ඉන්දියාවේ පංජාබ් ප්‍රාන්තයේ ෆග්වාරාහි පිහිටි ලව්ලි ප්‍රොෆෙෂනල් විශ්වවිද්‍යාලය තුළ සමාජ මාධ්‍ය ඔස්සේ පැතිර ගිය නොසන්සුන්කාරී තොරතුරු කිහිපයක් මුල් කරගනිමින් හටගත් හදිසි උද්ඝෝෂණයක්ත් සමඟ දැඩි උණුසුම් වාතාවරණයක් නිර්මාණය විය. විශ්වවිද්‍යාල භූමිය තුළ ප්‍රදර්ශනය සඳහා තබා තිබූ ඉන්දීය ගුවන් හමුදාවට අයත් මිග්-23 වර්ගයේ ප්‍රහාරක ගුවන් යානයක් සහ යුද ටැංකියක් මතට නැඟ සිසුන් විරෝධතාවයේ නිරත වීම හේතුවෙන් මෙම තත්ත්වය වඩාත් නාටකීය මුහුණුවරක් ගත්තේය.
මෙම විරෝධතාව අතරතුර විශ්වවිද්‍යාල පරිශ්‍රයේ දේපළවලට අලාභහානි සිදුව ඇති අතර, ජාලන්ධර්-ෆග්වාරා ජාතික මහාමාර්ගය අවහිර කරමින් සිසුන් පිරිස් මහාමාර්ගය මතට රැස්වීම නිසා ප්‍රදේශයේ ප්‍රවාහන කටයුතුවලට දැඩි බාධා එල්ල විය. සිදුවීම සම්බන්ධයෙන් අදහස් දක්වා ඇති ප්‍රාන්ත පොලිස් බලධාරීන් සඳහන් කර ඇත්තේ පදනම් විරහිත අසත්‍ය තොරතුරු සහ කටකතා සමාජ මාධ්‍ය ඔස්සේ වේගයෙන් පැතිර යාම මෙම හදිසි නොසන්සුන්තාවට ප්‍රධාන හේතුව වී ඇති බවයි. කෙසේ වෙතත්, සිසුන් මතු කළ ගැටලු සහ ආරක්ෂක තත්ත්වයන් පිළිබඳව විමර්ශනය කිරීම සඳහා විශේෂ විමර්ශන කණ්ඩායමක් (SIT) පත් කර ඇති අතර, විශ්වවිද්‍යාල පරිශ්‍රයේ සහ අවට ප්‍රදේශවල ආරක්ෂාව තර කිරීමට ආරක්ෂක අංශ වුර්තීය මට්ටමින් කටයුතු කරමින් සිටී.
මෑතකාලීනව පෞද්ගලික විශ්වවිද්‍යාල ආශ්‍රිතව මතුවන මෙවැනි කැළඹිලි ස්වභාවයන් උසස් අධ්‍යාපන ආයතනවල විනය පාලනය සහ අර්බුද කළමනාකරණ යාන්ත්‍රණයන් දැඩි දැඩි ලෙස ප්‍රශ්න කිරීමකට ලක් කර ඇත. විශ්වවිද්‍යාල පාලනාධිකාරිය සහ ආරක්ෂක අංශ එක්ව තත්ත්වය පාලනය කිරීමට පියවර ගෙන තිබුණද, මෙවැනි සංවේදී කාරණා සම්බන්ධයෙන් තරුණ ප්‍රජාව දක්වන ආවේගශීලී ප්‍රතිචාර සහ ආයතනික මට්ටමින් අසත්‍ය තොරතුරු පාලනය කිරීමට නොහැකි වීම ජාතික මට්ටමේ අවධානයට ලක් විය යුතු බරපතල සමාජීය ගැටළුවක් බවට පත්ව තිබේ.
