ඉන්දියාව සහ සුඩානය අතර නවවන දේශපාලන උපදේශන වටය පෝර්ට් සුඩාන් හිදී පවත්වා ඇති අතර, එහිදී දෙරට අතර ආර්ථික, වෙළඳ සහ ආරක්ෂක සහයෝගීතාව ශක්තිමත් කර ගැනීම පිළිබඳව දීර්ඝ වශයෙන් සාකච්ඡා වී තිබේ. සුඩාන විදේශ අමාත්යවරයා මීට මාස කිහිපයකට පෙර ඉන්දීය අග්රාමාත්ය නරේන්ද්ර මෝදි මහතා සමඟ නවදිල්ලියේදී පැවැත්වූ සාකච්ඡාවල ප්රතිඵලයක් ලෙස මෙම හමුව සංවිධානය කර ඇත.
මෙහිදී කෘෂිකර්මාන්තය, බලශක්තිය, ඖෂධ, පතල් කැණීම සහ ඩිජිටල් පරිවර්තනය යන ක්ෂේත්රවල සබඳතා ශක්තිමත් කර ගැනීමටත්, දෙරටේ පෞද්ගලික අංශයන් අතර හවුල්කාරිත්වයක් ඇති කිරීමටත් එකඟතාව පළ විය. වෙළඳාම පහසු කිරීම සඳහා මූල්ය හුවමාරු ක්රම විධිමත් කිරීම සහ දෙරට අතර සෘජු ගුවන් ගමන් ආරම්භ කිරීම පිළිබඳව ද නිලධාරීන්ගේ අවධානය යොමු විය.
මීට අමතරව, ත්රස්තවාදයට එරෙහිව සටන් කිරීමට සහ පොදු ආරක්ෂක අභියෝගවලට මුහුණ දීමට ඇති කැපවීම දෙපාර්ශවයම මෙහිදී යළිත් තහවුරු කර තිබේ. මෙම සාකච්ඡා සඳහා සුඩාන විදේශ අමාත්යාංශයේ ලේකම් මාවියා ඔස්මාන් කාලිඩ් සහ ඉන්දීය විදේශ කටයුතු අමාත්යාංශයේ ඒකාබද්ධ ලේකම් සුරේෂ් කුමාර් යන මහත්වරුන් සම-සභාපතිත්වය දරනු ලැබීය.
