නිල සංචාරයක් සඳහා දිවයිනට පැමිණ සිටින ඉන්දීය ගුවන් හමුදා ප්රධානී (Chief of the Air Staff) එයාර් චීෆ් මාෂල් අමර් ප්රීත් සිං (Amar Preet Singh) මහතා සහ ශ්රී ලංකාවේ ආරක්ෂක අමාත්යාංශයේ ලේකම් එයාර් වයිස් මාර්ෂල් සම්පත් තුයියකොන්තා (විශ්රාමික) මහතා අතර විශේෂ හමුවක් ඊයේ (19) ආරක්ෂක අමාත්යාංශ පරිශ්රයේදී පැවැත්විණි.
ආරක්ෂක ලේකම්වරයා විසින් ඉන්දීය ගුවන් හමුදාපතිවරයා ඉතා සුහදශීලීව පිළිගත් අතර, ඉන් අනතුරුව දෙරටටම ද්විපාර්ශ්වික වශයෙන් වැදගත් වන ආරක්ෂක කරුණු සහ කලාපීය සහයෝගීතාව ශක්තිමත් කිරීම පිළිබඳව දෙපාර්ශ්වය අතර දීර්ඝ වශයෙන් සාකච්ඡා කෙරිණි.
මෙම නිල හමුව සඳහා ශ්රී ලංකාවේ ඉන්දීය ආරක්ෂක උපදේශක (Defense Advisor) ඇතුළු ඉන්දීය මහකොමසාරිස් කාර්යාලයේ ජ්යෙෂ්ඨ නිලධාරීන් පිරිසක් ද සහභාගී වී සිටියහ.
