මෙරට පවතින වේවැල්, පිත්තල, මැටි සහ දැව ආශ්රිත සාම්ප්රධායික නිෂ්පාදන වලට අමතරව එම අමුද්රව්ය භාවිතයෙන් නව නිෂ්පාදන සිදු කර ජාත්යන්තර වෙළඳපොල ජය ගැනීම තම අරමුණ බව වේවැල්, පිත්තල, මැටි, ලී බඩු සහ ග්රාමීය කර්මාන්ත ප්රවර්ධන රාජ්ය අමාත්ය ප්රසන්න රණවීර මහතා පවසයි.
ඒ මහතා මේ බව පැවසුවේ අද දින සිය (17) කොළඹ, ලෝක වෙළඳ මධ්යස්ථානයේ 36 වන මහලේ පිහිටි සිය අමාතයාංශයේ දී නිල වශයෙන් රාජකාරී ආරම්භ කිරීමේ අවස්ථාවට එක්වෙමින්.
සාම්ප්රදායික කර්මාන්ත නැංවීම, එහි ගැටළු වලට විසදුම් සෙවීම, එය ශක්තිමත් කර දේශිය ආර්ථිකයට නව වටිනාකමක් එක් කිරීමේ අරමුණෙන් තමන් වෙත පැවරූ වගකීම ඒ අයුරින්ම ඉටු කරන බවත් ජනාධිපති සහ අගමැතිවරයාගේ විශ්වාසය තහවුරු වන අයුරින් කටයුතු කරන බවත් අමාත්යවරයා අවධාරණය කළේය.
මෙහිදී වැඩිදුරටත් අදහස් දැක්වූ අමාත්යවරයා “ මමත් පොඩි තැනකින් පැමිණි පුද්ගලයෙක් හැටියට පොඩි මිනිසුන්ට උදව් කිරීමට ලැබීම සතුටක් මාගේ විෂය පථයට ලැබිලා තියෙන්නේ දේශිය කර්මාන්ත ප්රවර්ධනය කිරීමයි. ඒ තුළ අන්තර්ගත වී ඇති වේවැල්, පිත්තල, මැටි, ලී බඩු සහ ග්රාමීය කර්මාන්ත යන සියලු කර්මාන්ත අපි ප්රවර්ධනය කරනවා. ඒ සඳහා නිළධාරීන්ගේ සහය මට ලැබෙයි කියා සිතනවා. ඒ අනුව අපි සියලු දෙනාම එකතු වෙලා රටට හොඳ දෙයක් කිරීමට හැකි වෙයි කියලා මම විශ්වාස කරනවා.“ යැයි පැවසීය.
මෙම අවස්ථාව අග්රාමාත්ය මහින්ද රජපක්ෂ, අමාත්ය විමල් වීරවංශ, අමාත්ය ප්රසන්න රණතුංග සහ රාජ්ය අමාත්ය ඩී. වී චානක පිරිසක් සහභාගි විය.
