පකිස්ථානයේ පන්ජාබ් ප්රාන්තයේ රජයේ රෝහලක සිරින්ජ නැවත නැවතත් භාවිත කිරීම හේතුවෙන් කුඩා දරුවන් 331 දෙනෙකුට HIV වෛරසය ආසාදනය වී ඇති බව රහසිගත විමර්ශනයකින් අනාවරණය වී තිබේ. පන්ජාබ්හි පිහිටි THQ රෝහල තුළ පැය 32ක කාලයක් පුරා සිදුකළ වීඩියෝ දර්ශන මඟින් සෞඛ්යාරක්ෂිත ක්රමවේද දැඩි ලෙස උල්ලංඝනය කරමින්, එක් රෝගියෙකුට භාවිතා කළ සිරින්ජ සහ ඖෂධ කුප්පි වෙනත් දරුවන් සඳහා ද භාවිතා කරන ආකාරය තහවුරු වී ඇත. මෙම අපරීක්ෂාකාරී ක්රියාවන් හේතුවෙන් අට හැවිරිදි දරුවෙකු ජීවිතක්ෂයට පත්වීමත් සමඟ මෙම අර්බුදය ලෝක අවධානයට ලක්ව ඇති අතර, රෝහල් බලධාරීන් මෙම චෝදනා ප්රතික්ෂේප කළද වීඩියෝ සාක්ෂි මඟින් සේවක මණ්ඩලයේ බරපතල වැරදි හෙළි වී තිබේ.
