ඇමරිකාවේ අයෝවා ප්රාන්තයේ රාජ්ය සහ පෞද්ගලික විශ්වවිද්යාලවල H-1B වීසා මඟින් විදේශිකයන් සේවයට බඳවා ගැනීම සීමා කිරීමේ ‘House File 2513’ පනත් කෙටුම්පත මේ වන විට සෙනෙට් සභාවේ මූලික අදියර පසුකර තිබේ. මෙම නව යෝජනාව මඟින් චීනය, රුසියාව, ඉරානය සහ උතුරු කොරියාව වැනි “විදේශීය සතුරන්” ලෙස නම් කළ රටවල වැසියන්ට එරට උසස් අධ්යාපන ආයතනවල නව රැකියා ගිවිසුම්වලට එළැඹීම තහනම් කිරීමට නියමිතය. ජාතික ආරක්ෂාව සහ ඇමරිකානු වැසියන්ට රැකියා ප්රමුඛතාවය ලබා දීම අරමුණු කරගත් මෙම පනත ක්රියාත්මක වුවහොත්, තාක්ෂණික සහ පර්යේෂණ ක්ෂේත්රවල නියැලී සිටින විදේශීය දක්ෂයින්ට දැඩි බලපෑමක් එල්ල වනු ඇතැයි ආර්ථික විද්යාඥයෝ අනාවැකි පළ කරති.
