අමෙරිකාව විසින් ඉරානයට එරෙහිව පනවා ඇති සම්බාධක නීති විරෝධී බව ප්රකාශ කිරීම සම්බන්ධයෙන් ඉරාන පාර්ලිමේන්තු කථානායක මොහොමඩ් බාගර් ගාලිබාෆ් (Mohammad Bagher Ghalibaf) චීනයට සිය ස්තුතිය පළ කර තිබේ.
දෙරට අතර පවතින උපායමාර්ගික හවුල්කාරිත්වය සඳහා කිසිදු බාහිර පාර්ශ්වයක අවසරයක් අවශ්ය නොවන බවත්, එය අන්යෝන්ය ගෞරවය මත පදනම් වූවක් බවත් ඔහු අවධාරණය කළේය. අමෙරිකානු සම්බාධක සහ දැඩි බලපෑම් හමුවේ වුවද ඉරාන තෙල් වැඩිවශයෙන් මිලදී ගනිමින් චීනය ඉරාන ආර්ථිකයට ප්රබල සහනයක් සපයයි. අමෙරිකාව සිය ද්විතීයික සම්බාධක (Secondary Sanctions) පැනවීම කෙරෙහි දිගින් දිගටම අවධානය යොමු කළද, ගෝලීයකරණයෙන් ඔබ්බට යන වත්මන් ලෝක තත්ත්වය තුළ අමෙරිකාවට පමණක් තනිව සිය මතය බලාත්මක කිරීම අභියෝගයක් වී ඇති බව රාජ්ය තාන්ත්රික විශ්ලේෂකයෝ පෙන්වා දෙති.
තොරතුරු උපුටා ගැනීම: Mario nawfal(X) ඇසුරින්
