හෝමුස් සමුද්ර සන්ධියේ නව නැව් මාර්ග නිර්වචනය කරන ඔමාන් රාජ්යය සමඟ වන ගිවිසුම අවසන් අදියරේ පවතින බව ඉරානය ප්රකාශ කර ඇතත්, එක්සත් ජනපදය විසින් වෙනත් කොන්දේසි සපුරාලන තුරු ජල මාර්ගය යළි විවෘත නොකරන බව ඉරාන විදේශ අමාත්ය අබ්බාස් අරාක්ෂි (Abbas Araqchi) පවසයි.
ගල්ෆ් කලාපයට ඇතුළු වන නැව් පාලනය කිරීමට ටෙහ්රාන් බලධාරීන්ට අවස්ථාව සලසා දෙන මෙම ගිවිසුම පිළිබඳ සාකච්ඡා අවසන් අදියරේ පවතින බව ඇමරිකානු නිලධාරියෙක් ද තහවුරු කර තිබේ. කෙසේ වෙතත්, ඉරාන වරායන් මත පනවා ඇති අවහිරතා ඉවත් කිරීම, ඉරානයට එරෙහි ප්රහාර සඳහා වන්දි ගෙවීම, සම්බාධක ඉවත් කිරීම සහ අමෙරිකානු තර්ජන නවත්වන ලෙස ඉරානය කොන්දේසි පනවා ඇත. මීට අමතරව, යේමනයේ හූති කැරළිකරුවන් සෞදි අරාබියේ ජාසාන් (Jazan) තෙල් පිරිපහදුවට ඩ්රෝන ප්රහාරයක් එල්ල කර ඇති අතර, කලාපීය නොසන්සුන්තාව මධ්යයේ සෞදි අරාබිය සහ පාකිස්තානය අතර නව ආරක්ෂක ගිවිසුමක් ද අත්සන් කර තිබේ.
