මැදපෙරදිග කලාපයේ පවතින යුදමය වාතාවරණය අතිශය භයානක මට්ටමකට පත් කරමින් ඉරානයේ අගනුවර වන ටෙහෙරානයේ නැගෙනහිර ප්රදේශයේ අද (04) පස්වරුවේ ප්රබල පිපිරීමක් සිදුව ඇති බව විදෙස් මාධ්ය වාර්තා කරයි. ඉරාන රාජ්ය මාධ්ය සහ ජාත්යන්තර පුවත් ඒජන්සි වාර්තාකරුවන් විසින් මෙම පිපිරීම තහවුරු කර ඇති අතර, එමගින් සිදුව ඇති හානිය පිළිබඳව මෙතෙක් නිශ්චිත තොරතුරු වාර්තා වී නොමැත. අද උදෑසන ඊශ්රායල ආරක්ෂක හමුදාව (IDF) විසින් නිකුත් කරන ලද නිල නිවේදනයකින් පසුව මෙම ප්රහාරය එල්ල වීම විශේෂත්වයකි.
ඊශ්රායල ආරක්ෂක හමුදාව අවධාරණය කර ඇත්තේ ටෙහෙරානයේ පාලක රජයට අයත් “ත්රස්තවාදී ඉලක්ක” ඉලක්ක කර ගනිමින් පුළුල් පරිමාණයේ ගුවන් ප්රහාර මාලාවක් තමන් ආරම්භ කර ඇති බවයි. අයතුල්ලා අලි කමේනිගේ මරණය සහ ඉන් අනතුරුව හටගත් නොසන්සුන්කාරී තත්ත්වය හමුවේ ඉරානයේ ආරක්ෂක පද්ධති ඉලක්ක කර ගනිමින් මෙම ප්රහාර එල්ල වන බව පෙනෙන්නට තිබේ. මෙම නවතම පිපිරීමත් සමඟ ටෙහෙරාන් වැසියන් දැඩි භීතියට පත්ව ඇති අතර, කලාපය පුරා පවතින යුද ගින්න තවදුරටත් ව්යාප්ත වීමේ අවදානමක් පවතින බව දේශපාලන විශ්ලේෂකයින් අනතුරු අඟවයි.
