ඇමෙරිකාව සහ ඉරානය අතර පවතින ගැටුම් උත්සන්න වෙමින්, ඉරාන ඉස්ලාමීය විප්ලවවාදී ආරක්ෂක බලකාය ජෝර්දානයේ පිහිටි ඇමරිකානු අණදෙන මධ්යස්ථානයක් ඉලක්ක කර ගනිමින් ප්රහාර මාලාවක් දියත් කර තිබේ.
‘ඊශ්රායල් ටයිම්ස්’ ඇතුළු විදෙස් මාධ්ය වාර්තා කරන්නේ, ඉරානය විසින් “දණ්ඩනීය මෙහෙයුමක්” ලෙස නම් කරමින් මෙම ප්රහාරය සිදුකර ඇති බවයි. බැලස්ටික් මිසයිල 12ක් භාවිතා කරමින් ජෝර්දානයේ පිහිටි ‘අල්-අස්රාක් ගුවන් කඳවුර’ සහ එහි පාලන මධ්යස්ථානය ඉලක්ක කර මෙම ප්රහාරය එල්ල වී තිබේ.
මෙම සිදුවීමත් සමඟ මැදපෙරදිග කලාපයේ දැඩි යුදමය ආතතියක් හටගෙන ඇති අතර, කුවේට් සහ බහරේන් වැනි රටවල ගුවන් කලාපයන් ද පෙර දිනවලදී ආරක්ෂක පියවරක් ලෙස තාවකාලිකව වසා දැමීමට සිදුවිය. ඉරානයේ මෙම ප්රහාරයත් සමඟ කලාපයේ සාමය සහ ආරක්ෂාව පිළිබඳ බරපතල අවිනිශ්චිත තත්ත්වයක් උද්ගතව ඇති අතර, ලෝක බලවතුන් කලාපයේ තත්ත්වය පිළිබඳ දැඩි අවධානයෙන් පසුවෙයි.
ප්රහාරය හේතුවෙන් සිදුවූ හානි පිළිබඳව තවමත් නිල තොරතුරු වාර්තා වී නොමැති අතර, සිදුවීම සම්බන්ධයෙන් ජාත්යන්තර ප්රජාවේ දැඩි අවධානය යොමු වී තිබේ.
