ඇමෙරිකානු හමුදාවන් විසින් එල්ල කරන ලද නවතම ප්රහාර මාලාවට “නිසැකවම සන්නද්ධ ප්රතිචාර දක්වන” බවත්, එම ප්රතිප්රහාරය ඇමෙරිකාව එල්ල කළ ප්රහාරයට වඩා කිහිප ගුණයකින් වැඩි ප්රබලත්වයකින් යුක්ත වන බවත් ඉරාන ජ්යෙෂ්ඨ හමුදා මූලාශ්රයක් උපුටා දක්වමින් ‘Tasnim’ පුවත් සේවය වාර්තා කළ බව Mario Nawfal සමාජ මාධ්ය ඔස්සේ නිවේදනය කරයි.
කලාපය පුරා පිහිටි ඇමෙරිකානු හමුදා කඳවුරු සහ උපායමාර්ගික නාවිකහමුදාමය මධ්යස්ථාන ඉතා ඉක්මනින් ඉරාන මිසයිල ප්රහාරයන්ට ලක්වන බව තහවුරු කර ඇති එම මූලාශ්රය, ඉරාන භූමියට එල්ල වූ කිසිදු ප්රහාරයක් අත්නොහැර ඊට පුළුල් ප්රතිචාර දක්වන බවට අවධාරණය කර ඇත.
ජෝර්දානය, එක්සත් අරාබි එමීර් රාජ්යය සහ ගල්ෆ් කලාපය පුරා පිහිටි ඇමෙරිකානු කඳවුරු ඉලක්ක කරගනිමින් මීට පෙරද ප්රහාර එල්ල කළ ඉරානය, ඇමෙරිකාවේ ප්රහාර හමුවේ කිසිසේත්ම නිහඬ නොවී කලාපීය ප්රහාර මාලාවක් දියත් කරන බවට මෙලෙස නිල වශයෙන් සපථ කර තිබේ.
