ඉරාන යුද්ධය හේතුවෙන් ඇලුමිනියම් සැපයුම් දාමයට එල්ල වී ඇති දැඩි බලපෑම නිසා ඉන්දියාව තුළ Diet Coke හිඟයක් නිර්මාණය වී තිබේ. ඉන්දියාවේ Diet Coke අලෙවි කරනු ලබන්නේ ඇලුමිනියම් ටින් (Cans) ආකාරයෙන් පමණක් වන අතර, මැදපෙරදිග පවතින යුද වාතාවරණය හේතුවෙන් එම ටින් නිෂ්පාදනයට අවශ්ය ඇලුමිනියම් ගෙන්වා ගැනීමට නොහැකි වීම මෙම අර්බුදයට මුල පුරා ඇත.
ලෝකයේ සමස්ත ඇලුමිනියම් නිෂ්පාදනයෙන් 9%ක් පමණ මැදපෙරදිග කලාපයෙන් සපයන නමුත්, පෙබරවාරි අග භාගයේ සිට හෝමුස් සමුද්ර සන්ධිය (Strait of Hormuz) අවහිර වීම හේතුවෙන් එම සැපයුම් අඩාල වී තිබේ. බොහෝ සිසිල් බීම වර්ග ප්ලාස්ටික් බෝතල්වල ද අලෙවි කළත්, Diet Coke ඉන්දියාවේ පවතින්නේ ටින් ආකාරයෙන් පමණක් වීම නිසා මෙම සැපයුම් හිඟය දැඩිව දැනී ඇත.
මේ වන විට Coca-Cola සමාගම සිය බෙදාහරින්නන් වෙත දැනුම් දී ඇත්තේ පවතින ටින් හිඟය හේතුවෙන් ඇණවුම් සීමා කිරීමට හෝ ඇතැම් ඇණවුම් ලබා දීමට නොහැකි වී ඇති බවයි. ඉන්දියාව යනු සීනි රහිත බීම වර්ග සඳහා ශීඝ්රයෙන් වර්ධනය වන වෙළඳපොළක් වන අතර, 2030 වන විට එහි වටිනාකම අමෙරිකානු ඩොලර් බිලියන 4.7ක් වනු ඇතැයි පුරෝකථනය කර තිබේ. කෙසේ වෙතත්, ආනයනික ටින් තොග ප්රමාද වීම නිසා මේ වන විට ඉන්දීය වෙළඳපොළේ Diet Coke හිඟයක් නිර්මාණය වෙමින් පවතී.
