Iraq රාජ්‍යයට අයත් Oil Tanker Company විසින් බොරතෙල් බැරල් මිලියන 2ක් රැගත් ඉතා විශාල බොරතෙල් ප්‍රවාහන නෞකාවක් Hormuz සමුද්‍ර සන්ධිය හරහා ප්‍රවාහනය කර තිබේ. එම සමාගමේ අධ්‍යක්ෂ ජනරාල් Ali Qais Abdul Jabbar පවසා ඇත්තේ දශක ගණනකට පසු සමාගම සිදුකළ පළමු මෙවැනි මෙහෙයුම මෙය බවයි.
මෙම ක්‍රමය මගින් Basra වරායේදී බොරතෙල් භාරදීම වෙනුවට නෞකාව හරහා Hormuz සමුද්‍ර සන්ධියෙන් එය ප්‍රවාහනය කර ඇති අතර, Iraq රාජ්‍ය තෙල් අලෙවි ආයතනය වන SOMO වෙත තෙල් අලෙවිය සහ මිල සම්බන්ධයෙන් වැඩි නම්‍යශීලීභාවයක් ලබාගත හැකි බව සඳහන් වේ.
එමෙන්ම Iraq Oil Tanker Company විසින් විශේෂිත බොරතෙල් ප්‍රවාහන නෞකා මිලදීගෙන තම නෞකා සමූහය පුළුල් කිරීමට කටයුතු කරමින් සිටින බවද එහි අධ්‍යක්ෂ ජනරාල්වරයා පවසා තිබේ. Iraq නෞකා Hormuz සමුද්‍ර සන්ධිය හරහා ගමන් කිරීම සඳහා Iran වෙතින් මීට පෙර අවසර ලබාගෙන තිබූ බව Reuters වාර්තා කරයි.
