දිවයිනට බලපා ඇති අධික වර්ෂාපතනය හේතුවෙන් අත්තනගලු ඔය සහ උරුගලම්ඔය ද්රෝණි ආශ්රිත පහත් බිම්වල ඉදිරි පැය කිහිපය තුළ සුළු ගංවතුර තත්ත්වයක් ඇතිවිය හැකි බව වාරිමාර්ග දෙපාර්තමේන්තුව විසින් හදිසි අනතුරු ඇඟවීමේ නිවේදනයක් නිකුත් කරමින් ප්රකාශ කර තිබේ.
වාරිමාර්ග දෙපාර්තමේන්තුවේ ජල විද්යා හා ආපදා කළමනාකරණ අධ්යක්ෂ ඉංජිනේරු එල්.එස්. සූරියබණ්ඩාර මහතා සඳහන් කළේ ඊයේ (21) රාත්රියේ සිට ඇද හැලෙන මෝසම් වැසි හේතුවෙන් ගංගා ද්රෝණි කිහිපයකම ජල මට්ටම් ශීඝ්රයෙන් ඉහළ යමින් පවතින බවයි. මේ අනුව අත්තනගල්ල, ගම්පහ, මිනුවන්ගොඩ, ජා-ඇල සහ වත්තල යන ප්රාදේශීය ලේකම් කොට්ඨාශවලට අයත් අත්තනගලු ඔය දෙපස සහ පහත් බිම්වල වෙසෙන මහජනතාව මෙන්ම එම ප්රදේශ හරහා දිවෙන මාර්ග පරිහරණය කරන රියදුරන් ද මේ පිළිබඳව දැඩි අවධානයෙන් පසුවිය යුතුය. පවතින ගංවතුර අවදානම සලකා ඕනෑම හදිසි තත්ත්වයකදී ආරක්ෂිත ස්ථාන කරා යාමට වහාම සූදානම්ව සිටින ලෙසත්, ආපදා කළමනාකරණ නිලධාරීන් ලබාදෙන උපදෙස් අකුරටම පිළිපදින ලෙසත් වාරිමාර්ග දෙපාර්තමේන්තුව වැඩිදුරටත් දන්වා සිටී.
