ශ්රී ලංකාවේ වත්මන් වාහන වෙළෙඳපොළ තුළ ජනප්රිය වෙමින් පවතින අලුත්ම ‘BAW E7 Pro’ වර්ගයේ විදුලි මෝටර් රථයක් මිලදී ගත් පාරිභෝගිකයෙකු, එම වාහනයේ පවතින බරපතල සහ මාරක තාක්ෂණික දෝෂ කිහිපයක් හේතුවෙන් තමන් දැඩි සේ අසරණ වී ඇති බව පවසමින් සමාජ මාධ්ය ඔස්සේ සිදුකළ සංවේදී අනාවරණයක් පිළිබඳව මෝටර් රථ ක්ෂේත්රයේ අවධානය යොමුවී තිබේ. ‘Isuru Gunasekara – Automobile’ නැමැති ෆේස්බුක් පිටුව හරහා “අද මිනිස්සු අසරණයි 
” යන තේමාවෙන් යුතුව මෙම බිහිසුණු අත්දැකීම ප්රසිද්ධ කර ඇත.
” යන තේමාවෙන් යුතුව මෙම බිහිසුණු අත්දැකීම ප්රසිද්ධ කර ඇත.මෙමගින් පෙන්වා දෙන්නේ, රථය මිලදී ගෙන තවමත් කිලෝමීටර් 500ක, දුරක්වත් ධාවනය කර නොමැති පසුබිමක, මහමඟ ධාවනය වෙමින් පවතින අවස්ථාවලදී එකවරම එහි ස්ටීයරින් වීල් එක මුළුමනින්ම හිරවීමේ දෝෂයකට මුහුණ දීමට සිදුවන බවයි. ඉන් පසුව වාහනය සම්පූර්ණයෙන්ම ක්රියා විරහිත කර, විනාඩි 5ක් පමණ තිබෙන්නට හැර නැවත පණ ගැන්වූ විට එය යථා තත්ත්වයට පත්වන බව ඔහු පවසයි. මේ පිළිබඳව අදාළ දේශීය නියෝජිත ආයතනය වන ‘බ්රවුන්ස්’ (Browns) සමාගම වෙත දැනුම් දීමෙන් පසු, රුපියල් 35,000ක අමතර මුදලක් කැරියර් රථයක් සඳහා ගෙවා වාහනය ආයතනය වෙත රැගෙන ගොස් සාදාගෙන ආව ද, ගතවූයේ සතියක කාලයක් පමණක් බවත් නැවත වරක් එම මාරක ලෙඩේම මතුව ඇති බවත් ඔහු චෝදනා කරයි.
මීට අමතරව, වැසි දිනවලදී මාර්ගයේ වතුර රදවා ඇති ස්ථානවලින් ධාවනය වන විට වාහනය ස්වයංක්රීයවම ක්රියා විරහිතවන බවත්, ඊට හේතුව වාහනයේ පිටුපස ඇති වයර් පද්ධතියට ජලය කාන්දු වීම බව වෙනත් අයෙකු විසින් පෙන්වා දුන් බවත් පාරිභෝගිකයා පවසයි. පිටතින් මෙම දෝෂය සකසා ගතහොත් වාහනයට හිමි සමාගම් වගකීම අහෝසි වේදැයි තමන් දැඩි බියකින් පසුවන බව පවසන ඔහු, රුපියල් ලක්ෂ 58ක් වැනි විශාල මුදලක් ණය වී හෝ දුක් මහන්සියෙන් උපයා ගෙවා දැමූ පසු මුහුණ දීමට සිදුව ඇති මෙම මානසික පීඩනය හේතුවෙන් තමන්ට රාත්රියට නින්ද පවා අහිමි වී ඇති බව අතිශය සංවේදීව ප්රකාශ කර සිටියි. පාරිභෝගික අයිතීන් සුරකින ආයතන සහ අදාළ සමාගම වහාම මැදිහත් වී මෙවැනි ජීවිත අවදානම් සහිත දෝෂ සහිත වාහන සඳහා සාධාරණයක් ඉටුකළ යුතු බවට සමාජ මාධ්ය පරිශීලකයෝ ද බලකර සිටිති.
