කැපිටල් හිල් (Capitol Hill) හි පැවැති 45 වැනි වාර්ෂික ජාතික සාම නිලධාරීන්ගේ අනුස්මරණ උත්සවයේදී (National Peace Officers’ Memorial Service) අදහස් දක්වමින් ඇමෙරිකානු උප ජනාධිපති ජේ.ඩී. වැන්ස් මහතා රාජකාරිය ඉටුකිරීමේදී දිවි පිදූ පොලිස් නිලධාරීන්ගේ “නිහත්මානී සේවය සහ පරිත්යාගය” අගය කරමින් බලවත් උපහාරයක් පුද කළේය.
දිවි පිදූ නිලධාරීන්ගේ පවුල්වල සාමාජිකයන් සහ සගයන් අමතමින් ඔහු කියා සිටියේ සාම නිලධාරියෙකුගේ ජීවිතය නොසැලෙන යුතුකම් සහගත හැඟීමකින් අර්ථ ගැන්වෙන බවයි. “අන් අය අනතුරෙන් මිදී පලා යද්දී, තම පරාර්ථකාමීත්වය පෙරදැරි කරගෙන අනතුර දෙසට ගමන් කළ ඒ උතුම් මිනිසුන් සහ කාන්තාවන් අනුස්මරණය කිරීමට අපි අද මෙලෙස රැස්ව සිටිනවා. ‘වෙනත් කෙනෙකු යවන්න’ යැයි නොකියා ‘මාව යවන්න’ යැයි ඉදිරිපත් වූ පිරිසක් ඔවුන්. සේවය යනු ඔවුන්ට බරක් නොව ජීවන රටාවක්” යැයි උප ජනාධිපතිවරයා එහිදී වැඩිදුරටත් අවධාරණය කළේය.
දිවි පිදූ පොලිස් විරුවන් වෙනුවෙන් ඇමෙරිකානු රජය දක්වන උසස්ම ගෞරවය මෙම උත්සවය හරහා ප්රකාශයට පත් විය.
