කැනේඩියානු අභ්යවකාශගාමී කර්නල් ජෙරමි හැන්සන්, පසුගිය අප්රේල් මාසයේ සාර්ථකව නිම කළ ඓතිහාසික ‘ආටෙමිස් II’ (Artemis II) චන්ද්ර මෙහෙයුමෙන් අනතුරුව, එළඹෙන සැප්තැම්බර් මාසයේ සිට සිය පූර්ණකාලීන අභ්යවකාශගාමී වෘත්තියෙන් ඉවත් වන බව නිල වශයෙන් නිවේදනය කර තිබේ.
සිය තීරණය සම්බන්ධයෙන් අදහස් දක්වමින් 50 හැවිරිදි හැන්සන් සඳහන් කරන්නේ, මෙය අභ්යවකාශ ක්ෂේත්රයෙන් මුළුමනින්ම ඉවත් වීමක් නොවන බවයි. ඔහු ඉදිරියටත් රාජකීය කැනේඩියානු ගුවන් හමුදාවේ (RCAF) සාමාජිකයෙකු ලෙස කටයුතු කරමින්, කැනඩාවේ නැඟී එන අභ්යවකාශ ක්ෂේත්රයේ ප්රගතිය උදෙසා නව නිර්මාණශීලී ක්රමවේද ඔස්සේ සහයෝගය දැක්වීමට සැලසුම් කර ඇත.
ජෙරමි හැන්සන් වසර 32ක හමුදා සේවයකින් සහ වසර 17ක කැනේඩියානු අභ්යවකාශ ඒජන්සියේ (CSA) වෘත්තීය ජීවිතයකින් පසුව මෙම තීරණය ගෙන තිබේ. වසර 50කට වැඩි කාලයකට පසු මිනිසුන් රැගෙන සඳ ආසන්නයට ගිය ප්රථම මෙහෙයුම වූ ආටෙමිස් II සඳහා එක්වූ එකම ජාත්යන්තර (ඇමෙරිකානු නොවන) අභ්යවකාශගාමියා වූයේ ද ඔහුයි.
දින 10ක් පුරා පැවති මෙම සංචාරයේදී ඔරියන් (Orion) කැප්සියුලය හරහා ඔවුන් මිනිසෙකු අභ්යවකාශයේ ගමන් කළ දුරම සීමාව (කිලෝමීටර් 406,771ක්) පසුකරමින් නව ලෝක වාර්තාවක් පිහිටුවීය. මෙහෙයුමේ අණදෙන නිලධාරී රීඩ් වයිස්මන්, වික්ටර් ග්ලෝවර් සහ ක්රිස්ටිනා කොක් සමඟ එක්ව හැන්සන් සිදුකළ මෙම මෙහෙයුම, කැනේඩියානු අග්රාමාත්ය මාර්ක් කාර්නි සහ නාසා (NASA) පරිපාලක ජැරඩ් අයිසැක්මන් ඇතුළු ලොව පුරා පැසසුමට ලක්විය. ඔවුන් මේ වන විට සිය ගවේෂණයේ වගකීම 2027 අගභාගයේදී දියත් කිරීමට නියමිත මීළඟ මෙහෙයුම් සඳහා භාර දී ඇත.
