කේටි හේස් (Katy Hays) විසින් ඉදිරියේදී නිකුත් කිරීමට නියමිත ‘Home Economics’ නවකතාව ඇසුරින් නිර්මාණය වන නවතම චිත්රපටයේ ප්රධාන චරිතය නිරූපණය කිරීම සඳහා ඔස්කාර් සම්මානලාභී සුපිරි නිළි ජූලියා රොබට්ස් (Julia Roberts) ගිවිසුම්ගත වී තිබේ. සෝනි සමාගමට අයත් ‘3000 Pictures’ චිත්රාගාරය විසින් මෙම නවකතාවේ සිනමා අයිතිය (Movie Rights) ලබාගෙන ඇති අතර, ජූලියා රොබට්ස් එහි ප්රධාන නිළිය ලෙස කටයුතු කිරීමට අමතරව සිය ‘Red Om Films’ සන්නාමය යටතේ ලීසා රොබට්ස් ගිලන් සහ මරිසා යෙරෙස් ගිල් සමඟ එක්ව මෙය නිෂ්පාදනය කිරීමට ද නියමිතය. මීට අමතරව ප්රකට චිත්රපට නිෂ්පාදක මාර්ක් ප්ලැට් (Marc Platt) ද මෙහි නිෂ්පාදකවරයෙකු ලෙස කටයුතු කරයි.
කෘතියේ කතුවරිය වන කේටි හේස් විසින්ම මෙම නවකතාව සිනමා තිර රචනයකට (Screenplay) අනුවර්තනය කිරීමට නියමිත අතර, ඇය මෙහි විධායක නිෂ්පාදිකාවක ලෙස ද කටයුතු කරනු ඇත. කෙසේ වුවද, මෙම කතාවේ ප්රධාන තේමාව හෝ සිනමා පිටපතේ අන්තර්ගතය (Plot) මෙතෙක් මාධ්ය වෙත අනාවරණය කර නොමැත.
දැඩි තරඟකාරී වටපිටාවකින් අනතුරුව ‘Home Economics’ කෘතියේ ප්රකාශන අයිතිය ‘Penguin Random House’ සමාගමට අයත් ‘Pamela Dorman Books’ ආයතනය විසින් හිමිකරගෙන ඇති අතර, මෙම නවකතාව 2027 වසරේදී නිල වශයෙන් ප්රකාශයට පත් කිරීමට නියමිතය. දැනටමත් මෙම කෘතිය ලොව පුරා ජාත්යන්තර කලාප 11ක ප්රකාශනය සඳහා අලෙවි වී තිබීම ද විශේෂත්වයකි.
ජූලියා රොබට්ස් මෑතකදී ‘Amazon MGM Studios’ හි ‘After the Hunt’ චිත්රපටයෙන් ප්රේක්ෂකයන් හමුවට පැමිණි අතර, ඇය ඉදිරියේදී වෝනර් බ්රදර්ස් (Warner Bros) සමාගමේ ‘Panic Carefully’ චිත්රපටයට ද දායක වීමට නියමිතය. කේටි හේස් මීට පෙර ලියූ ‘The Cloister’ සහ වත්මන් ‘New York Times’ වැඩියෙන්ම අලෙවි වන පොත් ලැයිස්තුවේ පවතින ‘Saltwater’ යන කෘති හරහා ජාත්යන්තර වශයෙන් ඉහළ ඇගයීමක් දිනාගත් ලේඛිකාවකි.
