ශ්රී ලංකා නාවික හමුදාව විසින් 2026 අප්රේල් මස 28 වැනි දින කල්පිටියට ඔබ්බෙන් වූ මුහුදු ප්රදේශයේදී සිදුකළ විශේෂ මෙහෙයුමකදී, නීතිවිරෝධී ලෙස බෝට්ටුවකින් ප්රවාහනය කරමින් තිබූ කිලෝග්රෑම් 2000කට අධික බීඩි කොළ තොගයක් සහ එම ජාවාරමට සම්බන්ධ වූ සැකකරුවන් 10 දෙනෙකු අත්අඩංගුවට ගෙන තිබේ.
මෙම මෙහෙයුම අතරතුරදී සැකකටයුතු ඉන්දීය ධීවර යාත්රාවක් නිරීක්ෂණය වී ඇති අතර, එය පරීක්ෂා කිරීමේදී එම යාත්රාවේ තිබී බීඩි කොළ තොගය ශ්රී ලංකා යාත්රාවකට මාරු කිරීමට උත්සාහ කරමින් සිටි පුද්ගලයින් පිරිසක් සොයාගෙන ඇත. එහිදී ඉන්දීය ධීවර යාත්රාවේ සිටි පුද්ගලයින් 04 දෙනෙකු සහ ශ්රී ලංකා බහුදින ධීවර යාත්රාවේ සිටි පුද්ගලයින් 06 දෙනෙකු නාවික හමුදා භාරයට ගැනීමට කටයුතු කෙරිණි.
අත්අඩංගුවට ගත් පිරිස අතර ඉන්දීය ජාතිකයින් 04 දෙනෙකු සහ මාරවිල ප්රදේශයේ පදිංචි ශ්රී ලාංකිකයින් 06 දෙනෙකු සිටින බව හඳුනාගෙන ඇත. සැකකරුවන් සතුව තිබී සොයාගත් බීඩි කොළ කිලෝග්රෑම් 2000කට අධික තොගය, බෝට්ටු සහ සැකකරුවන් වැඩිදුර නීතිමය කටයුතු සඳහා අදාළ අංශ වෙත භාර දීමට නාවික හමුදාව කටයුතු කර තිබේ.
