කළු ගඟේ ඉහළ ධාරා ප්‍රදේශවලට ඇදහැලෙන වර්ෂාව හේතුවෙන් කළු ගඟේ ජල මට්ටම ඉහළ ගොස් තිබේ.
වාරිමාර්ග දෙපාර්තමේන්තුව සඳහන් කළ පරිදි, අද (12) උදෑසන වන විට මිල්ලකන්ද ජල මාපකයේ ජල මට්ටම මීටර් 5 ඉක්මවා ගොස් ඇත.
ඒ අනුව, කළු ගඟ ආශ්‍රිත පහත්බිම්වල ජීවත් වන ජනතාව ජල මට්ටමේ වෙනස්වීම් පිළිබඳ අවධානයෙන් පසුවන ලෙස බලධාරීන් දැනුම් දී තිබේ.
ප්‍රදේශයට තවදුරටත් වර්ෂාව ලැබෙන්නේ නම් ජල මට්ටම වෙනස් විය හැකි බැවින්, නිල අනතුරු ඇඟවීම් සහ ආපදා කළමනාකරණ බලධාරීන්ගේ උපදෙස් පිළිපදින ලෙස ජනතාවට සිහිපත් කෙරේ.
