විද්යා හා තාක්ෂණ අමාත්යාංශයේ මෙහෙයවීමෙන් කළුතර දිස්ත්රික් විදාතා ඒකකය විසින් සංවිධානය කරන ලද විද්යාතා ව්යවසායක ප්රදර්ශනය සහ නවෝත්පාදන සායනය පසුගියදා කළුතර දිස්ත්රික් ලේකම් කාර්යාලයේදී පැවැත්විණි. විද්යා හා තාක්ෂණ අමාත්ය මහාචාර්ය ක්රිෂාන්ත අබේසේන මහතාගේ ප්රධානත්වයෙන් පැවති මෙම වැඩසටහනේ අරමුණ වූයේ ග්රාමීය ව්යවසායකත්වය ශක්තිමත් කිරීම සහ දේශීය නිෂ්පාදන ජනගත කිරීමයි.
කළුතර දිස්ත්රික්කය පුරා පිහිටි විදාතා සම්පත් මධ්යස්ථාන 14 හරහා බිහිවූ සුළු හා මධ්ය පරිමාණ ව්යවසායකයින්ගේ නිෂ්පාදන සහ නව නිපැයුම්කරුවන්ගේ නිර්මාණ මෙහිදී ප්රදර්ශනය කෙරිණි. ප්රදර්ශනයට සමගාමීව පැවති නවෝත්පාදන සායනය තුළින් අංකුර නිර්මාණකරුවන්ට තම තාක්ෂණික ගැටළු සඳහා විසඳුම් ලබා ගැනීමට අවස්ථාව හිමි වූ අතර, ඒ සඳහා ජාතික නව්යකරණ නියෝජිතායතනය, ජාතික බුද්ධිමය දේපල කාර්යාලය සහ කාර්මික තාක්ෂණ ආයතනය වැනි ආයතනවල දායකත්වය ලබා දී තිබුණි.
මෙම අවස්ථාවේදී අදහස් දක්වමින් අමාත්යවරයා පැවසුවේ, විද්යාව හා තාක්ෂණය ගමට ගෙන යාම තුළින් නිෂ්පාදනවල ගුණාත්මක බව ඉහළ නංවා දේශීය හා විදේශීය වෙළඳපොළ ජය ගැනීමට ව්යවසායකයින්ට හැකිවන බවයි. ඉදිරියේදී විදාතා මධ්යස්ථාන ක්ෂුද්ර සේවා සහ ආධාරක මධ්යස්ථාන බවට පරිවර්තනය කරමින් ජාතික ආර්ථිකය ශක්තිමත් කිරීමට කටයුතු කරන බවද ඔහු වැඩිදුරටත් සඳහන් කළේය.
මෙම අවස්ථාවට කළුතර දිස්ත්රික් පාර්ලිමේන්තු මන්ත්රී නන්දන පද්මකුමාර, දිස්ත්රික් ලේකම් එස්.පී.හේරත් ඇතුළු රාජ්ය නිලධාරීන්, ව්යවසායකයින් සහ පාසල් සිසුන් ඇතුළු විශාල පිරිසක් සහභාගී වූහ.
