රුපියල් 4,650,000ක වටිනාකමකින් යුත් විදේශීය නිෂ්පාදිත දුම්වැටි 31,000ක් නීතිවිරෝධී ලෙස මෙරටට රැගෙනවිත්, කටුනායක ගුවන්තොටුපොළේ ‘හරිත මාවත’ (Green Channel) ඔස්සේ රැගෙන යාමට තැත් කළ ශ්රී ලාංකික ගුවන් මගියෙකු ගුවන්තොටුපොළ රේගු නිලධාරීන් විසින් අත්අඩංගුවට ගෙන තිබේ.
මෙම සිදුවීමට අදාළ ප්රධාන කරුණු ලෙස, අත්අඩංගුවට පත්ව ඇත්තේ හලාවත, මාරවිල ප්රදේශයේ පදිංචි 43 හැවිරිදි ව්යාපාරිකයෙකි. සැකකරු විසින් රැගෙන ආ ගමන් මලු 02ක් තුළ ඉතා සූක්ෂම ලෙස සඟවා තිබූ විදේශීය නිෂ්පාදිත දුම්වැටි අඩංගු කාටූන් 155ක් රේගු නිලධාරීන් විසින් සොයාගනු ලැබ ඇත.
