ශ්රී ලංකාවේ දිගුකාලීන පිළිකා රෝගී සත්කාරක යටිතල පහසුකම් සංවර්ධනය කිරීම වෙනුවෙන්, මෙරට ප්රමුඛතම ‘Buy Now Pay Later’ (BNPL) මූල්ය තාක්ෂණික වේදිකාවක් වන කොකෝ (KOKO) සමාගම, ජාත්යන්තර මාස්ටර්කාඩ් (Mastercard) ආයතනය විසින් දියත් කරනු ලබන ‘ටැප් ෆෝ චේන්ජ්’ (Tap for Change) සත්කාරක ව්යාපාරය සමඟ නිල වශයෙන් අත්වැල් බැඳගෙන තිබේ. සාමාන්ය මහජනතාව දෛනිකව සිදුකරන මූල්ය ගනුදෙනු, රටේ පිළිකා මර්දන ක්ෂේත්රයේ ප්රගතිය උදෙසා කෙරෙන සෘජු දායකත්වයක් බවට පත්කිරීම මෙම වැඩපිළිවෙළේ මූලික අරමුණයි. මේ යටතේ මාස්ටර්කාඩ් ‘Tap & Go’ සම්බන්ධතා රහිත (Contactless) කාඩ්පත් ගෙවීම් සහ කොකෝ (KOKO) යෙදවුම ඔස්සේ සිදුකරන විද්යුත් වාණිජ (E-commerce) ගනුදෙනු හරහා, සී.ඕ.සී. පදනම (COC Foundation) සමඟ ඒකාබද්ධව කරාපිටිය ‘ට්රේල්’ පිළිකා රෝහලේ (Karapitiya Trail Cancer Hospital) සංවර්ධන කටයුතු සඳහා අරමුදල් රැස්කිරීමට පාරිභෝගිකයන්ට සෘජු අවස්ථාව උදාවේ.
‘වෙනසක් වෙනුවෙන් ස්පර්ශ කරන්න’ (Tap for Change) යන උදාර පණිවිඩය පෙරදැරි කරගනිමින් ක්රියාත්මක වන මෙම සත්කාරක ව්යාපාරය මඟින්, පාරිභෝගිකයන් දෛනිකව සිදුකරන සාප්පු සවාරි වැනි සරල ක්රියාවන්, මෙරට සෞඛ්ය ක්ෂේත්රය නංවාලන සුවිශේෂී ජාතික මෙහෙවරක් සමඟ බද්ධ කරනු ලබයි. කොකෝ සමාගමේ මෙම සක්රීය දායකත්වය හේතුවෙන් මාස්ටර්කාඩ් ආයතනයේ ‘ටැප් ෆෝ චේන්ජ්’ ව්යාපෘතිය මෙරට ඩිජිටල් විද්යුත් වාණිජ ක්ෂේත්රය තුළ තවදුරටත් පුළුල් වන අතර, තාක්ෂණයට ලැදි තරුණ පරපුර (Gen Z and Millennials) ඇතුළු විශාල පාරිභෝගික පදනමකට තමන් සිදුකරන සාමාන්ය මිලදී ගැනීම් හරහාම පිළිකා රෝහල වෙනුවෙන් උපකාර කිරීමට ඉඩකඩ සැලසේ. කොකෝ වේදිකාව මඟින් පාරිභෝගිකයන්ට අන්තර්ජාලය හරහා භාණ්ඩ මිලදී ගෙන පසුව වාරික වශයෙන් ගෙවීමේ (Pay Later) පහසුව සලසන අතරම, එම සාමාන්ය ජීවන රටා ගනුදෙනු උදාර සමාජයීය අරමුණක් වෙනුවෙන් පෙළගැස්වීම මෙහි විශේෂත්වයයි.
මෙම සුවිශේෂී සහයෝගීතාවය පිළිබඳව අදහස් දක්වමින් මාස්ටර්කාඩ් ආයතනයේ ශ්රී ලංකා සහ මාලදිවයින පිළිබඳ දේශීය කළමනාකරු සඳුන් හපුගොඩ මහතා ප්රකාශ කළේ, රටේ පිළිකා සත්කාරක යටිතල පහසුකම් ශක්තිමත් කිරීම වැනි දිගුකාලීන ජාතික අවශ්යතාවලට දෛනික ඩිජිටල් ගනුදෙනු හරහා දායක වීමට අවස්ථාව සැලසීම, ඩිජිටල් වාණිජ්ය සතු සැබෑ ශක්තිය මනාව පිළිඹිබු කරන්නක් බවයි. කොකෝ (KOKO) සමාගමේ කලාපීය ප්රධාන විධායක නිලධාරී මයිකල් සතසිවම් (Michael Sathasivam) මහතා අදහස් දක්වමින් කියා සිටියේ, ව්යාපාර කටයුතු යනු හුදු ලාභ ලබන ප්රස්ථාර සහ ඉලක්ක පමණක් නොව, මානුෂීය වගකීමක් ඉටුකිරීම ද වන බවයි. ‘ටැප් ෆෝ චේන්ජ්’ වැඩපිළිවෙළ හරහා පාරිභෝගිකයන්ට තමන්ගේ දෛනික ජීවිතය සාමාන්ය පරිදි ගතකරන අතරතුරදීම, කිසිදු අතිරේක වෙහෙසකින් තොරව ඉතා සරලව සමාජ සත්කාරයක් වෙනුවෙන් දායක වීමේ විප්ලවීය අවස්ථාව උදාවී ඇති බව ද ඔහු වැඩිදුරටත් අවධාරණය කළේය.
