මත්ද්රව්ය ජාවාරම් සම්බන්ධයෙන් දැනට බන්ධනාගාරගතව පසුවන නිලන්ති පෙරේරා හෙවත් ‘කුඩු කුමාරි’ නමැති මහා පරිමාණ මත්ද්රව්ය ජාවාරම්කාරියට අයත් ගණේමුල්ල ප්රදේශයේ පිහිටි රුපියල් කෝටි 4ක් පමණ වටිනා සුඛෝපභෝගී දෙමහල් නිවසක් පොලිස් මධ්යම අපරාධ විමර්ශන කාර්යාංශය (CCIB) විසින් අද (17 වැනිදා) නිල වශයෙන් තහනමට ලක් කර තිබේ. මෙම නීතිමය පියවර ගෙන ඇත්තේ නීති විරෝධී වත්කම් උපයාගැනීමේ චෝදනා (Illegal Assets) යටතේ ඇයට එරෙහිව ක්රියාත්මක වන පුළුල් විමර්ශනයකට අනුකූලවය.
කෙසේ වෙතත්, මෙම වත්කම් තහනම් කිරීමේ නියෝගය ක්රියාත්මක කර නිවස නිල වශයෙන් සීල් තැබීමට පොලිස් නිලධාරීන් පැමිණීමට පෙර, කිසියම් සංවිධානාත්මක පිරිසක් විසින් මෙම මන්දිරයට ඇතුළු වී එහි සවිකර තිබූ වටිනා දොර ජනෙල් ඇතුළු ගෘහ උපකරණ තොගයක් හොර රහසේම ගලවාගෙන ගොස් ඇති බව පොලීසිය අනාවරණය කරයි.
පොලිස් විමර්ශන ආරම්භ වීමත් සමඟම නිවසේ වටිනා දේපළවලට හානි කරමින් සිදුකර ඇති මෙම අමුතු ආකාරයේ සොරකම සහ විනාශ කිරීම පිටුපස සිටින්නේ කවුරුන්ද යන්න සෙවීම සඳහා ද, දොර ජනෙල් ගලවාගෙන ගිය සැකකරුවන් වහාම අත්අඩංගුවට ගැනීම සඳහා ද පොලිස් මධ්යම අපරාධ විමර්ශන කාර්යාංශය විසින් මේ වන විට විශේෂ මෙහෙයුමක් දියත් කර ඇත.
