රුපියල් හාර කෝටි දස ලක්ෂ අසූ දසදහසක් වටිනා “කුෂ්” (Kush) මත්ද්රව්ය තොගයක් මෙරටට රැගෙන විත් කටුනායක ගුවන් තොටුපොළින් පිටව යමින් සිටි ශ්රී ලාංකිකයන් දෙදෙනෙකු අද (30) අලුයම ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් විසින් අත්අඩංගුවට ගෙන ඇත.
සැකකරුවන් තායිලන්තයේ බැංකොක් නුවර සිට අද අලුයම 12.30ට තායි ගුවන් සේවයේ ටී.ජී.- 307 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබේ. ඔවුන් සතුව තිබූ ගමන් මලු දෙකක පැකට් 13ක් ලෙස අසුරා තිබූ කුෂ් මත්ද්රව්ය කිලෝ ග්රෑම් 04ක් සහ ග්රෑම් 104ක් සොයා ගැනීමට නිලධාරීන් සමත් විය.
අත්අඩංගුවට ගත් සැකකරුවන් අතරින් එක් අයෙක් බඩෝවිට ප්රදේශයේ පදිංචි 30 හැවිරිදි මත්ද්රව්ය ජාවාරම්කරුවෙකි. අනෙක් සැකකරු මීගමුව ප්රදේශයේ පදිංචි 26 හැවිරිදි හඳුන්කූරු වෙළදාමේ නිරත වන්නෙකි. මොවුන් දෙදෙනා ඥාතීන් බවත් වාර්තා වේ.
සැකකරුවන් මීගමුව මහේස්ත්රාත් අධිකරණය වෙත ඉදිරිපත් කිරීමෙන් අනතුරුව, දින 14ක් රඳවාගෙන ප්රශ්න කිරීම සඳහා කොළඹ පොලිස් මත්ද්රව්ය කාර්යාංශයේ මූලස්ථානය වෙත යොමු කිරීමට පියවර ගෙන ඇත.
