ජාත්යන්තර සිංහ සමාජ පදනම (LCIF) සහ ලෝක ආහාර වැඩපිළිවෙල (WFP) එක්ව ශ්රී ලංකාවේ පාසල් දරුවන්ගේ පෝෂණය සහ ආහාර සුරක්ෂිතතාව නංවාලීම සඳහා ඇමරිකානු ඩොලර් මිලියනයක මූල්ය ප්රතිපාදන සහිත විශේෂ ව්යාපෘතියක් ආරම්භ කර තිබේ. “ගෙවත්තෙන් පන්තියට” (Home-Grown School Feeding) ලෙස නම් කර ඇති මෙම වැඩසටහන මඟින් දේශීය ගොවීන් සහ ආහාර සැපයුම්කරුවන් ශක්තිමත් කරමින්, ජාතික පාසල් ආහාර වැඩසටහනේ ගුණාත්මකභාවය ඉහළ නැංවීමට අපේක්ෂිතය. මීට අමතරව, සිංහ සමාජය විසින් දැනටමත් ක්රියාත්මක කරන ඩොලර් 400,000ක වටිනාකමකින් යුතු ‘Protect Child Nutrition’ ව්යාපෘතිය හරහා දිවයින පුරා දරුවන් 5,000කට පමණ දෛනික ආහාර වේල ලබා දීම ද සිදු කෙරේ.
LCIF සභාපති ෆැබ්රිසියෝ ඔලිවේරා මහතාගේ ප්රධානත්වයෙන් කොළඹදී පැවති මාධ්ය හමුවේදී අවධාරණය කෙරුණේ, මෙම සහයෝගීතාවය හරහා වර්තමාන පෝෂණ අවශ්යතා සපුරාලීමට පමණක් නොව, ප්රජාවන්ගේ දිගුකාලීන යහපැවැත්ම උදෙසා ද ආයෝජනය කරන බවයි. ආරම්භයේ සිට මේ දක්වා LCIF ආයතනය ශ්රී ලංකාව සඳහා ඇමරිකානු ඩොලර් මිලියන 17කට ආසන්න ප්රදානයන් ලබා දී ඇති අතර, ඉන් ලැබෙන සෑම ඩොලරයක්ම පරිපාලන වියදම්වලින් තොරව සෘජුවම සේවා ව්යාපෘති සඳහා යෙදවීම විශේෂත්වයකි. මෙම තිරසාර හවුල්කාරිත්වය හරහා මෙරට ආහාර අනාරක්ෂිතභාවයට විසඳුම් සෙවීමටත්, දරුවන්ගේ අධ්යාපන මට්ටම ඉහළ නැංවීමටත් සිංහ සමාජය අඛණ්ඩව කැපවී සිටියි.
