දෙවන ලෝක යුද්ධ සමයේ 1943 වසරේදී ඇතිවූ බෝම්බ ප්රහාර සහ ආරක්ෂිත පියවර හේතුවෙන් වසා දැමීමෙන් පසු වසර 83ක් තිස්සේ මහජනතාවට වසා දමා තිබූ ලන්ඩන් නුවර ස්වාභාවික ඉතිහාස කෞතුකාගාරයේ පිහිටි ඓතිහාසික ප්රදර්ශනාගාර කුටියක් නැවත විවෘත කිරීමට පියවර ගෙන ඇති බව BBC News වාර්තා කරයි.
‘Nature and Us’ නමින් නැවත නම් කර ඇති මෙම ඓතිහාසික කුටිය සැප්තැම්බර් 16 වැනිදා සිට ප්රදර්ශනය සඳහා විවෘත කිරීමට නියමිතය. මිනිසා සහ ස්වාභාවික පරිසරය අතර පවතින සබඳතාව විදහා දක්වන දුර්ලභ පුරාවස්තු, සත්ව අස්ථි පද්ධති සහ පෞරාණික මෙවලම් ඇතුළු විශේෂිත ප්රදර්ශන භාණ්ඩ 50ක් පමණ මෙහිදී මහජනතාවට නැරඹීමට අවස්ථාව හිමිවනු ඇත.
