යුරෝ මිලියන 88ක් (ඇමෙරිකානු ඩොලර් මිලියන 102ක්) වටිනා ප්රංශ රාජකීය රත්න අභරණ කොල්ලකෑමේ සිදුවීමෙන් මාස 9කට පසුව, පැරීසියේ ලූවර් (Louvre) කෞතුකාගාරයේ සුප්රකට ඇපලෝ ගැලරිය (Apollo Gallery) නැවත මහජනතාව සඳහා විවෘත කිරීමට පියවර ගෙන තිබේ. 2025 ඔක්තෝබර් මාසයේදී දහවල සිදුවූ මෙම ආන්දෝලනාත්මක කොල්ලකෑමෙන් පසු මෙම ප්රදර්ශනාගාරය වසා දමා තිබුණි.
ක්රේනයක් ආධාරයෙන් උදෑසන 9:30ට පමණ කෞතුකාගාරයේ ජනේලයක් කඩා ඇතුළු වූ කොල්ලකරුවන් පිරිසක්, විදුලි මෙවලම් භාවිත කරමින් ප්රංශ රාජකීය අභරණ පැහැරගෙන ගොස් තිබුණි. කෙසේ වෙතත්, නැවත විවෘත කරන ලද ඇපලෝ ගැලරියේ මින් ඉදිරියට කිසිදු වටිනා අභරණයක් හෝ රත්න භාණ්ඩයක් ප්රදර්ශනය නොකිරීමට තීරණය කර ඇති අතර, 17 වන සියවසේ පැවති එහි මුල් ස්වරූපයෙන්ම එහි ගෘහ නිර්මාණ ශිල්පය, රන් ආලේපිත සිවිලිම් සහ ග්රීක චිත්ර පමණක් නැරඹීමට පාරිභෝගිකයන්ට අවස්ථාව සලසා දී ඇත. සිදුවීමෙන් පසු ආරක්ෂක පද්ධති සහ නිරීක්ෂණ කැමරා දැඩි ලෙස යාවත්කාලීන කිරීමට කෞතුකාගාර බලධාරීන් පියවර ගෙන තිබේ.
