විශාල දත්ත මධ්යස්ථාන (Data Centers) මගින් පරිසරයට සහ විදුලි බිලට එල්ල වන බලපෑම සැලකිල්ලට ගනිමින් නව දත්ත මධ්යස්ථාන ඉදිකිරීම සඳහා අවසර ලබා දීම තාවකාලිකව අත්හිටුවන පනතක් ඇමරිකාවේ මේන් ප්රාන්ත ව්යවස්ථාදායකය විසින් සම්මත කර තිබේ මෙවැනි තීරණයක් ගත් ප්රථම ඇමරිකානු ප්රාන්තය මෙය වන අතර මෙගාවොට් 20 කට වඩා වැඩි විදුලි බලයක් අවශ්ය වන මධ්යස්ථාන සඳහා 2027 ඔක්තෝබර් දක්වා මෙම තහනම ක්රියාත්මක වනු ඇත
දත්ත මධ්යස්ථාන මගින් අධික ලෙස විදුලිය පරිභෝජනය කිරීම නිසා සාමාන්ය ජනතාවගේ විදුලි බිල ඉහළ යාම සහ පරිසර දූෂණය පිළිබඳව පවතින විරෝධය මෙම පනතට ප්රධාන හේතුව වී තිබේ මේ වන විට ඇමරිකානු ප්රාන්ත 11 ක් පමණ දත්ත මධ්යස්ථාන පාලනය කිරීම සඳහා නීති සකස් කරමින් සිටින අතර මේන් ප්රාන්තය ගත් මෙම තීරණය සෙසු ප්රාන්තවලට ද ආදර්ශයක් වනු ඇතැයි පැවසේ කෙසේ වෙතත් ජනාධිපති ට්රම්ප්ගේ පාලනය යටතේ ප්රධාන තාක්ෂණික සමාගම් තම දත්ත මධ්යස්ථාන සඳහා අවශ්ය විදුලිය උත්පාදනය කිරීමේ පිරිවැය තමන්ම දරා ගැනීමට පසුගිය මාසයේදී එකඟ වී තිබේ
