මෛත්‍රීපාලට පක්ෂ සභාපතිත්වයට තහනමක්.. අමරවීර ඇතුළු පිරිස අලුත් ගමනකට සැරසෙයි
හිටපු ජනාධිපති මෛත්‍රීපාල සිරිසේනට ශ්රී ලංකා නිදහස් පක්ෂයේ සභාපති ධුරයේ කටයුතු කිරීම වළක්වාළමින් කොළඹ මහාධිකරණයෙන් අතුරු තහනම් නියෝගයක් අද (04) නිකුත් කර තිබෙනවා.
ඒ, හිටපු ජනාධිපතිනි චන්ද්‍රිකා බණ්ඩාරනායක කුමාරතුංග යොමුකළ පැමිණිල්ලකට අදාළවයි
මේ නියෝගයත් සමඟම ශ්රී ලංකා නිදහස් පක්ෂයේ තනතුරුවලින් ඉවත් කළ ලසන්ත අලගියවන්න සහ මහින්ද අමරවීර සහ දුමින්ද දිසානායක පිරිස පවසා සිටින්නේ ශ්රී ලංකා නිදහස් පක්ෂය සමග අලුත් ගමනක් යෑමට එක්වන ලෙස සියලුම දෙනාට ආරාධනා කරන බවයි.
කෙසේ නමුත් මේ මොහොත වනවිට ඩාලි පාරේ පිහිටි පක්ෂ මූලස්ථානයට හිටපු සභාපති මෛත්‍රීපාල සිරිසේනට හිතවත් පිරිසක් ද එක් රැස් වී ඇති බවයි වාර්තා වන්නේ.
