ලෝකයේ වටිනාම මැණික් වර්ග බිහිවන මියන්මාරයෙන් අතිවිශාල ප්රමාණයේ දුර්ලභ රූබි (Ruby) මැණිකක් හමු වී ඇති බව වාර්තා වේ. මියන්මාරයේ මැණික් කැණීම් කර්මාන්තයේ ප්රධාන කේන්ද්රස්ථානයක් ලෙස සැලකෙන ඉහළ මැන්ඩලේ කලාපයේ මොගොක් නගරය ආසන්නයෙන් මෙම අගනා මැණික හමු වී තිබේ. පතල්කරුවන් පිරිසක් විසින් සොයා ගන්නා ලද මෙම රූබි මැණික කැරට් 11,000ක බරින් යුක්ත වන අතර එය කිලෝග්රෑම් 2.2ක් හෙවත් රාත්තල් 4.8ක බරකින් සමන්විත වේ.
මෙම සුවිශේෂී සොයාගැනීමත් සමඟ මියන්මාරයේ මැණික් රජදහන යළිත් වරක් ලෝකයේම අවධානයට ලක්ව තිබේ. මෙතරම් විශාලත්වයකින් සහ දුර්ලභ ගණයේ වර්ණයකින් යුත් මැණිකක් හමුවීම ලෝක මැණික් වෙළඳපොළ තුළ දැඩි කතාබහට ලක්ව ඇති කරුණකි. මියන්මාරයේ පවතින සුවිශේෂී භූ විද්යාත්මක පිහිටීම හේතුවෙන් මෙවැනි අගනා සම්පත් නිරන්තරයෙන් හමුවන අතර මෙම නවතම සොයාගැනීම එරට මැණික් ඉතිහාසයේ සුවිශේෂී සලකුණක් වනු ඇති බව විදෙස් වාර්තා වැඩිදුරටත් පෙන්වා දෙයි.
