මාතලේ පුරා විද්‍යා කාර්යාලය විවෘත කෙරේ
163 වන ජාතික පුරා විද්‍යා දිනයට සහ පුරා විද්‍යා සතියට සමගාමීව මාතලේ දිස්ත්රික් පුරා විද්‍යා කාර්යාලය විවෘත කිරීම මාතලේ දිස්ත්රික් ලේකම් තේජානී තිලකරත්න මහත්මියගේ ප්‍රධානත්වයෙන් සිදු කෙරුණි.
ඓතිහාසික සහ පුරා විද්‍යා සංරක්ෂණ ස්ථාන රැසකට උරුම හිමිකම් කියන මාතලේ දිස්ත්‍රික්කයට දිස්ත්රික් පුරා විද්‍යා කාර්යාලයක අවශ්‍යතාව කලෙක පටන් පැවති අතර එම අවශ්‍යතාව හදුනාගෙන දිසා ලේකම් කාර්යාල පරිශ්‍රයේ තිබෙන යටත් විජිත යුගය දක්වා පැරණි ඒජන්ත කාර්යාලය සංරක්ෂණය කරමින් මෙම පුරා විද්‍යා කාර්යාලය ස්ථාපිත කෙරුණි.
මාතලේ දිස්ත්රික් පුරා විද්‍යාකාර්යාලය පිහිටුවීමට සමගාමීව මධ්‍යම පළාත් පුරා විද්‍යා දින විශේෂ වැඩසටහන දිස්ත්රික් ලේකම් කාර්යාල පරිශ්‍රයේදී දී සිදු කෙරුණු අතර පුරා විද්‍යා දෙපාර්තමේන්තුව විසින් පළ කළ ඓතිහාසික සහ පුරා විද්‍යා ග්‍රන්ථ අලෙවි සැලක් ද විවෘත කෙරුණි.
පුරා විද්‍යා සතියට සමගාමීව පුරා විද්‍යා සංරක්ෂණයයේ ඇති වැදගත් කම පිළිබඳ දැනුවත් කිරීමේ විශේෂ දේශනයක් ද පැවති අතර මෙම අවස්ථාවට මහා සංඝරත්නය , මාතලේ අතිරේක දිස්ත්රික් ලේකම්වරුන් වන නිශාන්ත කරුණාතිලක,චමිලා අතපත්තු,පුරා විද්‍යා දෙපාර්තමේන්තුවේ මධ්‍යම පළාත් අධ්යක්ෂ ඩී.එම්.බී.ජේ.පී. දිසානායක,වීර මොනරවිල කැප්පෙටිපොල ජාතික පදනමේ සභාපති වෝලටර් පරහිටියාව තැන්නේ.ලේකම් එම්.ඩබ්ලිව් සෝමරත්න.පුරා විද්‍යා දෙපාර්තමේන්තුවේ මාතලේ දිස්ත්රික් නිලධාරී මංජුලා හපුආරච්චි,ඇතුලු මහත්ම මහත්මීන් සහ රාජ්‍ය නිලධාරීන් රැසක් එක්ව සිටියහ.
මේ වැඩසටහන සඳහා පුරාවිද්‍යා අධ්යක්ෂ ජනරාල් මහාචාර්ය අනුර මනතුංග මහතා සූම් තාක්ෂණය ඔස්සේ එක්වීය.
මාතලේ මහේෂ් කිර්තිරත්න