වෛද්ය පීඨ ශිෂ්ය ක්රියාකාරී කමිටුව (Medical Faculty Students’ Action Committee) විසින් මතු කර ඇති අධ්යයන හා පරිපාලනමය ගැටලු කිහිපයක් මුල් කරගනිමින් අද (18) දින කොළඹදී දැවැන්ත විරෝධතා ව්යාපාරයක් සංවිධානය කර ඇති අතර, ඒ පිළිබඳව ගරු සෞඛ්ය සහ ජනමාධ්ය (වැඩබලන) අමාත්යවරයාගේ සෘජු අවධානය යොමු වී ඇත. ඒ අනුව, වෛද්ය සිසුන් ඉදිරිපත් කරන ගැටලුවලට සාකච්ඡා මාර්ගයෙන් කඩිනම් විසඳුම් සෙවීම සඳහා අද (18) පස්වරු 3.00 ට සෞඛ්ය අමාත්යාංශ පරිශ්රයේදී විශේෂ සාකච්ඡාවක් කැඳවීමට පියවර ගෙන තිබේ.
ගරු සෞඛ්ය සහ ජනමාධ්ය (වැඩබලන) අමාත්යවරයාගේ ප්රධානත්වයෙන් පැවැත්වෙන මෙම තීරණාත්මක සාකච්ඡාව සඳහා වෛද්ය පීඨ ශිෂ්ය ක්රියාකාරී කමිටුවේ නියෝජිතයන් ඇතුළු ක්ෂේත්රයට අදාළ සියලුම වගකිවයුතු පාර්ශ්වයන් වෙත විවෘත අවස්ථාව සලසා දී ඇති බව සෞඛ්ය හා ජනමාධ්ය අමාත්යාංශය නිල වශයෙන් නිවේදනය කරයි. කොළඹ නගරය තුළ දැඩි රථවාහන තදබදයක් නිර්මාණය කරමින් සහ මහජනතාවට දැඩි පීඩාවක් හෝ අපහසුතාවක් ඇති වන ආකාරයේ විරෝධතා ක්රියාමාර්ගවලට යොමු නොවී, ප්රජාතන්ත්රවාදී වටපිටාවක් තුළ සාකච්ඡා මාර්ගයෙන් මෙම ගැටලුවලට සාධාරණ විසඳුම් ලබාගැනීමට ඉදිරිපත් වන ලෙස අමාත්යාංශය ශිෂ්ය පාර්ශ්වයන්ගෙන් කාරුණිකව ඉල්ලා සිටියි. සාමකාමී සාකච්ඡා වටපිටාවක් තුළින් සිසුන්ගේ ප්රශ්න විසඳා ගැනීමට අවශ්ය උපරිම සහයෝගය ලබා දීමට රජය නිරන්තරයෙන් බැඳී සිටින බව ද අමාත්යාංශය වැඩිදුරටත් අවධාරණය කරයි.
