2026 ජූනි සිට සැප්තැම්බර් දක්වා පවතින නිරිතදිග මෝසම් කාලසීමාව තුළ ශ්රී ලංකාවේ බොහෝ ප්රදේශවලට සාමාන්ය වර්ෂාපතනයක් බලාපොරොත්තු විය හැකි බව කාලගුණ විද්යා දෙපාර්තමේන්තුව නිවේදනය කරයි. කෙසේ වෙතත්, ඇතැම් ප්රදේශවලට සාමාන්ය ප්රමාණයට වඩා තරමක අඩු වර්ෂාපතනයක් ලැබීමේ හැකියාවක් පවතින බව එම දෙපාර්තමේන්තුව පෙන්වා දෙයි.
විශේෂයෙන්ම වයඹ සහ සබරගමුව පළාත්වලට මෙන්ම මහනුවර සහ නුවරඑළිය දිස්ත්රික්කවලට මෙලෙස සාමාන්යයට වඩා අඩු වර්ෂාපතනයක් ලැබෙනු ඇතැයි පුරෝකථනය කර ඇත. ගෝලීය දේශගුණික ආකෘති සහ පැසිෆික් හා ඉන්දියන් සාගරවල වායුගෝලීය තත්ත්වයන් විශ්ලේෂණය කිරීමෙන් මෙම නිගමනවලට එළඹ ඇති අතර, කාලගුණ තත්ත්වයන්ගේ වෙනස්වීම් මත ඉදිරියේදී අවශ්ය යාවත්කාලීන කිරීම් සිදුකරන බව කාලගුණ විද්යා දෙපාර්තමේන්තුව වැඩිදුරටත් සඳහන් කරයි.
