ෆේස්බුක් සහ ඉන්ස්ටග්රෑම් වේදිකා හරහා ළමුන් ඇබ්බැහි වීම, පාරිභෝගික ආරක්ෂාව සම්බන්ධයෙන් නොමඟ යැවීම සහ දත්ත අනිසි ලෙස රැස් කිරීමේ චෝදනා මත ඇමරිකානු ප්රාන්ත 29ක් විසින් ගොනු කරන ලද නඩු සමථයකට පත් කරමින් මෙටා වේදිකා සමාගම ඇමරිකානු ඩොලර් බිලියන 16.68ක දැවැන්ත වන්දියක් ගෙවීමට සහ සිය වේදිකාවල මූලික වෙනස්කම් සිදු කිරීමට එකඟ වී තිබේ.
තරුණ පරිශීලකයින්ගේ මානසික සෞඛ්ය අර්බුදයකට සමාජ මාධ්ය සමාගම් දායක වී ඇති බවට එල්ල වන පුළුල් චෝදනාවල කූටප්රාප්තියක් ලෙස සැලකෙන මෙම එකඟතාව යටතේ, මෙටා සමාගම විසින් ළමුන්ගේ රාත්රී කාලයේ භාවිතය සීමා කිරීම, දෛනික භාවිත සීමා පැනවීම සහ වයස් සීමා සහිත අන්තර්ගතයන්ට ප්රවේශ වීම වැළැක්වීමේ ආරක්ෂක විධිවිධාන දැඩි කිරීමට පියවර ගනු ඇත.
කැලිෆෝනියාවේ ඕක්ලන්ඩ්හි ෆෙඩරල් නඩු විභාගයකදී මෙම බේරුම්කරණයන් සිදු වුවද, ළමුන් සහ නව යොවුන් වියේ පසුවන්නන් ඉලක්ක කර ගනිමින් ඇබ්බැහි වීමේ විශේෂාංග නිර්මාණය කිරීම සම්බන්ධයෙන් ඇල්ෆබෙට්, බයිට්ඩෑන්ස් සහ ස්නැප් වැනි සෙසු තාක්ෂණික ජයන්ට එරෙහිව ෆෙඩරල් සහ ප්රාන්ත අධිකරණවල තවදුරටත් නඩු විභාග ක්රියාත්මක වීම ගෝලීය තාක්ෂණික නියාමනයන් හමුවේ දැඩි පෙරනිමිත්තක් සපයයි.
