කෘතිම බුද්ධි (AI) ව්යාපෘති සඳහා දැවැන්ත ලෙස මුදල් ආයෝජනය කිරීමේ අරමුණින් ලබන මාසයේදී සිය සේවා බලකායෙන් 10%ක් හෙවත් සේවකයින් 8,000ක් පමණ ඉවත් කිරීමට මෙටා සමාගම තීරණය කර ඇත. මේ වසරේදී AI තාක්ෂණය වෙනුවෙන් පමණක් ඩොලර් බිලියන 135ක මුදලක් වැය කිරීමට මාර්ක් සකර්බර්ග්ගේ නායකත්වයෙන් යුත් මෙම සමාගම සැලසුම් කර තිබේ. මෙය පසුගිය වසර තුනේදීම AI වෙනුවෙන් වැය කළ මුළු මුදලට සමාන අගයකි.
මෙම සේවක කප්පාදුව පිළිබඳව සකර්බර්ග් මීට පෙර ඉඟි ලබා දී තිබූ අතර, ඔහු ප්රකාශ කළේ AI මෙවලම් භාවිතා කිරීම නිසා සේවකයින්ගේ කාර්යක්ෂමතාව ඉහළ ගොස් ඇති බවයි. මීට පෙර විශාල කණ්ඩායමකට කළ හැකිව තිබූ කාර්යයන් දැන් තනි පුද්ගලයෙකුට කළ හැකි මට්ටමට තාක්ෂණය දියුණු වී ඇති බව ඔහු පෙන්වා දෙයි. 2026 වසර යනු AI තාක්ෂණය නිසා මිනිසුන් වැඩ කරන ආකාරය සම්පූර්ණයෙන්ම වෙනස් වන වසර වනු ඇතැයි ද ඔහු සඳහන් කර තිබේ.
සේවකයින් පවසන පරිදි මෙටා සමාගම මේ වන විට AI උන්මාදයකින් (AI Obsessed) පසුවන අතර, සේවකයින් පරිගණක භාවිතා කරන ආකාරය නිරීක්ෂණය කර එම දත්ත AI ආකෘති පුහුණු කිරීමට යොදා ගැනීමට ද සමාගම පියවර ගෙන ඇත. මෙටා සමාගමට අමතරව ඇමසන් (Amazon) සේවකයින් 30,000ක් ද, ඔරකල් (Oracle) සේවකයින් 10,000ක් ද මේ වසරේදී ඉවත් කර ඇති අතර මයික්රොසොෆ්ට් (Microsoft) සමාගම ද ස්වේච්ඡාවෙන් සේවයෙන් ඉවත් වීමේ ක්රමවේද හඳුන්වා දී ඇත. තාක්ෂණික ක්ෂේත්රයේ මෙම දැවැන්ත සේවක කප්පාදුවලට ප්රධානතම හේතුව ලෙස AI තාක්ෂණයේ වර්ධනය සහ ඒ සඳහා වැය කරන අධික පිරිවැය හඳුනාගෙන තිබේ.
