මෙක්සිකෝවේ ප්රබල මත්ද්රව්ය ජාවාරම්කාර සංවිධානාත්මක අපරාධ කල්ලි (Cartels) විසින් එල්ල කරනු ලබන බෝම්බ ප්රහාරවල සීඝ්ර වර්ධනයක් දක්නට ලැබෙන බව එරට බලධාරීහු ප්රකාශ කරති.
පසුගිය ඉරිදා සකාටෙකාස් (Zacatecas) ප්රාන්තයේ පොලිස් මූලස්ථානයක් අසල පුපුරා ගිය මෝටර් රථ බෝම්බයකින් පොලිස් නිලධාරීන් දෙදෙනෙකු ඇතුළු 11 දෙනෙකු තුවාල ලබා ඇති අතර, අසල පිහිටි ගොඩනැගිලි 40කට ආසන්න සංඛ්යාවකට දැඩි හානි සිදුවිය. මෙයට අමතරව පුපුරන ද්රව්ය සවිකළ කුඩා ඩ්රෝන යානා (Mini Drones) සහ බිම් බෝම්බ යොදාගනිමින් ප්රහාර එල්ල කිරීමේ ප්රවණතාවක් පසුගිය වසර තුන තුළ ඉහළ ගොස් ඇති බව ආණ්ඩුකාර ඩේවිඩ් මොන්රියල් (David Monreal) සඳහන් කළේය. සකාටෙකාස් ප්රාන්තයේ පමණක් 2024 වසරේදී එවැනි එක් ප්රහාරයක් පමණක් වාර්තා වී තිබූ අතර, 2025දී 6ක් සහ 2026 වසරේ මේ දක්වා කාලය තුළ ප්රහාර 10ක් වාර්තා වී තිබේ.
තොරතුරු උපුටා ගැනීම: Reuters ඇසුරින්
