විද්යාවේදී හෙද (BSc Nursing) උපාධිධාරීන් 515 දෙනෙකු සඳහා පත්වීම් ප්රදානය කිරීම අද (29) පෙරවරුවේ සෞඛ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන් සිදු කෙරිණි. අවසන් වරට උපාධිධාරී හෙද බඳවා ගැනීම් සිදුකර තිබුණේ 2021 වසරේදී වන අතර, වසර පහකට පසු මෙම බඳවා ගැනීම සිදුකිරීම සුවිශේෂී ජයග්රහණයක් බව අමාත්යවරයා පෙන්වා දුන්නේය.
2025 සිට 2029 දක්වා කාලසීමාව තුළ හෙද සේවයට අලුතින් 13,600ක පිරිසක් බඳවා ගැනීමට රජය සැලසුම් කර ඇති අතර, ඉන් 50%ක ඉලක්කය මේ වසර අවසන් වන විට සම්පූර්ණ කිරීමට පියවර ගෙන ඇත. මෙරට රාජ්ය සෞඛ්ය සේවයේ දැනට හෙද නිලධාරීන් 43,553ක් සක්රීය සේවයේ නිරතව සිටින අතර, ක්ෂේත්රයේ මානව සම්පත් හිඟය පියවීමට පසුගිය වසර දෙක තුළ පමණක් III ශ්රේණියේ හෙද කාර්ය මණ්ඩල 3,441ක් බඳවා ගෙන ඇත.
දිවයින පුරා හෙද විදුහල්වල දැනට සිසුන් 7,800ක් පමණ වෘත්තීය පුහුණුව ලබමින් සිටින අතර, අනාගත සායනික අවශ්යතා සලකා ජාතික හෙද අභ්යාස විද්යාල පද්ධතියට තවත් නවක සිසුන් 3,000ක් බඳවා ගැනීමට අනුමැතිය ලැබී ඇත. මෙම අවස්ථාවට සෞඛ්ය හා ජනමාධ්ය අමාත්යාංශයේ ලේකම් විශේෂඥ වෛද්ය අනිල් ජාසිංහ මහතා ඇතුළු අමාත්යාංශ නිලධාරීන්, වෘ
