ඉන්දීය අග්රාමාත්ය නරේන්ද්ර මෝදි මහතා ලබන සතියේ නවසීලන්තයේ නිල සංචාරයක නිරත වීමට නියමිත බව නවසීලන්ත අග්රාමාත්ය ක්රිස්ටෝපර් ලක්සන් මහතා නිවේදනය කළේය. මෙය වසර 40කට පසු ඉන්දීය අගමැතිවරයෙකු නවසීලන්තයේ සිදු කරන පළමු නිල සංචාරය වීම විශේෂත්වයකි.
පසුගිය අප්රේල් මාසයේදී දෙරට අතර අත්සන් තැබුණු නිදහස් වෙළෙඳ ගිවිසුම මඟින් නවසීලන්ත භාණ්ඩ සඳහා පනවා තිබූ තීරුබදු වලින් 95%ක් ඉවත් කිරීමට පියවර ගෙන තිබේ. මෙම ඓතිහාසික සංචාරය දෙරට අතර පවතින රාජ්ය තාන්ත්රික සහ ආර්ථික සබඳතා තවදුරටත් ශක්තිමත් කිරීමට අවස්ථාවක් වනු ඇතැයි නවසීලන්ත අග්රාමාත්යවරයා වැඩිදුරටත් සඳහන් කළේය.
