මොරටුවැල්ල ප්රදේශයේ මහා පරිමාණයෙන් මත්ද්රව්ය බෙදාහැරීමේ නිරත වූ “ශ්රීනාත්” නමැති ජාවාරම්කරුගේ ප්රධාන ගෝලයකු ලෙස කටයුතු කළ කාන්තාවක් කේරළ ගංජා තොගයක් සමග අත්අඩංගුවට ගත් බව පොලිස් විශේෂ කාර්ය බලකාය පවසයි.
විශේෂ කාර්ය බලකා මූලස්ථාන කඳවුරේ විශේෂ මෙහෙයුම් ඒකකයේ (I) නිලධාරීන් විසින් මොරටුව, මොරටුවැල්ල, ක්ලෝවියස් මාවත ප්රදේශයේ පිහිටි නිවසක් වටලා මෙම වැටලීම සිදු කර ඇත. මෙලෙස අත්අඩංගුවට පත්ව ඇත්තේ මොරටුව ප්රදේශයේ පදිංචි 47 හැවිරිදි කාන්තාවකි.
අත්අඩංගුවට ගන්නා අවස්ථාවේදී සැකකාරිය සන්තකයේ තිබී රුපියල් ලක්ෂ ගණනක් වටිනා කේරළ ගංජා කිලෝ 01 යි ග්රෑම් 150 ක ප්රමාණයක් පොලිසිය විසින් සොයාගෙන තිබේ.
මෙම කාන්තාව මොරටුවැල්ල ප්රදේශයේ ප්රසිද්ධ මත්ද්රව්ය ජාවාරම්කරුවෙකු වන ශ්රීනාත් නැමැත්තාගේ මත්ද්රව්ය ජාලය මෙහෙයවමින් ප්රදේශය පුරා ගංජා බෙදාහැරීමේ නිරතව ඇති බව මූලික විමර්ශනවලදී අනාවරණය වී ඇත.
සැකකාරිය සහ අත්අඩංගුවට ගත් ගංජා තොගය වැඩිදුර විමර්ශන සඳහා මොරටුව පොලිස් ස්ථානය වෙත භාර දීමට කටයුතු කර තිබේ.
