මොරොක්කෝවේ වාර්ෂික උද්ධමන අනුපාතය පසුගිය පෙබරවාරි මාසයේ පැවති -0.6% ක අගයේ සිට මාර්තු මාසය වන විට 0.9% දක්වා ඉහළ ගොස් ඇති බව එරට සංඛ්යාලේඛන ආයතනය අද (22) නිවේදනය කළේය. පාරිභෝගික මිල දර්ශකයට අනුව ආහාර ද්රව්යවල මිල ගණන් 0.6% කින් සහ ආහාර නොවන ද්රව්යවල මිල 1.1% කින් මෙලෙස ඉහළ ගොස් තිබේ.
මැදපෙරදිග කලාපයේ පවතින ඉරාන යුද ගැටුම් හේතුවෙන් ලෝක වෙළඳපොළේ ඉන්ධන මිල ඉහළ යාම මෙම උද්ධමනය කෙරෙහි සෘජුවම බලපා ඇත. ඉන්ධන මිල ඉහළ යාම නිසා ප්රවාහන ගාස්තු ඉහළ යාම පාලනය කිරීම සඳහා මොරොක්කෝ රජය විසින් කුලී රථ, බස් රථ සහ ට්රක් රථ වැනි වෘත්තීය ප්රවාහන සේවා සඳහා යළිත් සහනාධාර ලබාදීමට තීරණය කර තිබේ.
විදුලිය, ඉවුම් පිහුම් ගෑස් සහ ප්රවාහන සහනාධාර පවත්වාගෙන යාම සඳහා මොරොක්කෝ රජයට මසකට මොරොක්කෝ ඩිරාම් බිලියන 1.6 ක් (ඇමරිකානු ඩොලර් මිලියන 170 ක්) පමණ වැය වන බව එරට අයවැය අමාත්ය ෆවුසි ලෙක්ජා (Fouzi Lekjaa) මහතා සඳහන් කළේය. ගෝලීය බලශක්ති අර්බුදය හමුවේ දේශීය වෙළඳපොළ ස්ථාවරව පවත්වා ගැනීම සඳහා එරට රජය මෙලෙස දැඩි මූල්ය පීඩනයක් දරා සිටින බව වාර්තා වේ.
