අහංගම පොලිස් වසමට අයත් උඩුගල්මොට්ටුව, තිත්තගල්ල ප්රදේශයේ වෙල්යායක තිබී තරුණයෙකුගේ මළසිරුරක් හමුවීමේ සිද්ධියක් සම්බන්ධයෙන් අහංගම පොලිස් ස්ථානය මඟින් පුළුල් විමර්ශනයක් ආරම්භ කර තිබේ.
මෙලෙස අභිරහස් සහ සැකකටයුතු අන්දමින් මියගොස් ඇත්තේ තිත්තගල්ල ප්රදේශයේම පදිංචිව සිටි 23 හැවිරිදි වියේ පසුවූ පසුවන තරුණයෙකි.
පොලිස් මාධ්ය ප්රකාශක කාර්යාලය (D/Media/Out/930/2026) මඟින් නිකුත් කරන ලද නිල නිවේදනයකට අනුව, මෙම මරණය පිළිබඳව දැනට අනාවරණය වී ඇති මූලික පසුබිම මෙසේය.
“මියගිය තරුණයා තමන්ට අයත් කුඹුරේ වැඩ කටයුතු සඳහා ගොස්, එම වැඩ අවසන් කර නැවත නිවස බලා පැමිණෙමින් සිට ඇති බවයි දැනට සිදුකරන ලද මූලික පරීක්ෂණවලදී අනාවරණය වී තිබෙන්නේ. එහිදී ඔහු සිරුර වෙල්යාය මැද අසීරු තත්ත්වයෙන් වැටී සිට ඇති අතර, පසුව ඔහු මෙලෙස සැකකටයුතු ලෙස මියගොස් සිටින බවට ප්රදේශවාසීන් විසින් දැක තිබෙනවා. මේ පිළිබඳව අහංගම පොලිසිය වෙත ලැබුණු හදිසි පණිවිඩයක් මතයි විමර්ශන කටයුතු ආරම්භ කෙරුණේ.”
මෙම මරණය කිසියම් අනතුරක්, ස්වභාවික රෝගී තත්ත්වයක් හෝ වෙනත් බාහිර බලපෑමක් නිසා සිදුවූවක්ද යන්න තහවුරු කරගැනීම සඳහා මහේස්ත්රාත් පරීක්ෂණය සහ පශ්චාත් මරණ පරීක්ෂණය පැවැත්වීමට නියමිතය. අහංගම පොලිස් ස්ථානයේ නිලධාරීන් කණ්ඩායමක් විසින් සිද්ධිය සම්බන්ධයෙන් වැඩිදුර විමර්ශන සිදුකරනු ලබයි.
