දිවයින පුරා මත්ද්රව්ය සැපයුම් ජාල අඩපණ කිරීම සහ මත්ද්රව්ය උවදුර මුලිනුපුටා දැමීමේ අරමුණින් ක්රියාත්මක “රටම එකට” ජාතික මෙහෙයුමේ 2025 ඔක්තෝබර් 30 සිට 2026 මැයි 14 දක්වා කාලය තුළ ලබාගත් ප්රගතිය පොලිස් මාධ්ය කොට්ඨාසය විසින් ප්රකාශයට පත් කර ඇත. මෙම කාලය තුළ අත්අඩංගුවට ගත් මුළු සැකකරුවන් සංඛ්යාව එක්ලක්ෂ හැත්තෑ හයදහස් දෙසිය හැට නවයක් වන අතර සිදුකර ඇති මුළු වැටලීම් සංඛ්යාව එක්ලක්ෂ හැත්තෑ හත්දහස් තුන්සිය දොළහකි.
එම වැටලීම්වලදී හෙරොයින් කිලෝග්රෑම් 1941ක්, අයිස් මත්ද්රව්ය කිලෝග්රෑම් 2003ක්, කොකේන් කිලෝග්රෑම් 285ක් සහ ගංජා කිලෝග්රෑම් 5457කට අධික ප්රමාණයක් අත්අඩංගුවට ගෙන තිබේ. මීට අමතරව ගංජා පැළ අනූ දෙලක්ෂ තිස්දහස් නවසිය පනස් දෙකක් සහ මත්පෙති පහළොස් ලක්ෂ අනූ දෙදහස් තුන්සිය විසි පහක් ද පොලිස් භාරයට ගෙන ඇත. අත්අඩංගුවට ගත් සැකකරුවන් අතරින් දෙදහස් අටසිය විස්සකට රැඳවුම් නියෝග ලබාගෙන ඇති අතර සැකකරුවන් තුන්සිය විසි පස් දෙනෙකු සම්බන්ධයෙන් නීති විරෝධී වත්කම් විමර්ශන ආරම්භ කර තිබේ. පොලිස්පතිතුමාගේ උපදෙස් පරිදි ක්රියාත්මක මෙම වැඩපිළිවෙළ යටතේ මත්ද්රව්ය ජාලයන් මර්දනය කරමින් ඇබ්බැහි වූවන් පුනරුත්ථාපනය කිරීමට ද පියවර ගෙන ඇත.
