මීගමුව සෞඛ්‍ය වෛද්‍ය නිලධාරී කොට්ඨාශය තුළ එන්නත්කරණය සිදු කළ හැකි වයස් සීමාවේ සිටින සියයට 80 කට වැඩි පිරිසකට පළමු මාත්‍රාව ලබා දී අවසන් කර ඇති බව ග්‍රාමීය මාර්ග හා අවශේෂ යටිතල පහසුකම් රාජ්‍ය අමාත්‍ය නිමල් ලාන්සා මහතා පවසයි.
සංචාරක හා ධීවර කලාපයක් ලෙස ප්‍රචලිත මීගමුව කොට්ඨාශය තුළ එන්නත්කරණය ඉහළ සාර්ථකත්වයක් අත්කරගෙන තිබීම ඔවුනගේ ආර්ථික කටයුතු හා දෛනික කටයුතු පහසු කරලීම සඳහා වඩා ඉවහල් වනු ඇති බව ලාන්සා මන්ත්‍රීවරයා පැවසිය.
ඒ අනුව ඉදිරි දින කිහිපය තුළ මීගමුව සෞඛ්‍ය වෛද්‍ය නිලධාරී කොට්ඨාශය තුළ එන්නත්කරණ වැඩපිළිවෙල යටතේ අදාළ සියලු දෙනාට පළමු මාත්‍රාව ලබා දීමට බලාපොරොත්තු වන බවත් ඒ සදහා සෞඛ්‍ය අංශ හා ආරක්ෂක අංශ ලබා දෙන සහයෝගයට ස්තූතිය පුදකරන බව රාජ්‍ය අමාත්‍ය නිමල් ලාන්සා මහතා වැඩිදුරටත් සඳහන් කළේය.
