නේපාලයේ ත්රිශූලි නිම්නය හරහා පැමිණි දැවැන්ත ජල හා මඩ ප්රවාහයෙන් ත්රිභූවන් ත්රිශූලි ද්විතීයික විද්යාලය () මුළුමනින්ම විනාශ වී ගංගා පතුලට යටවීමට පෙර, විදුහල්පති රාජේන්ද්ර දවාඩි විසින් ගත් ක්ෂණික තීරණය නිසා සිසුන් 1,600කට ආසන්න පිරිසක් මරණයේ මුවගින් බේරී තිබේ.
උදෑසන 9:20ට පමණ ඉහළ ගම්මානයකින් ලැබුණු දුරකථන ඇමතුමකින් සහ පැමිණි මව්පියන්ගෙන් ලැබුණු අනතුරු ඇඟවීම් හමුවේ ක්රියාත්මක වූ 47 හැවිරිදි විදුහල්පතිවරයා, පන්ති පැවැත්වීම වහාම අත්හිටුවා පාසල් ගණ්ඨාරය නාද කරමින් පාසල් භූමියේ සිටි සිසුන් 900කට වැඩි පිරිසක් සහ ගුරුවරුන් උස් බිම් වෙත ඉවත් කිරීමට පියවර ගෙන ඇත.
මීට අමතරව පාසල වෙත පැමිණෙමින් තිබූ පාසල් බස් රථවල රියදුරන්ට දුරකථනයෙන් අමතමින් ආපසු හරවා යැවීමට ඔහු කටයුතු කර ඇති අතර, විනාඩි 14ක් වැනි කෙටි කාලයක් තුළ සිදුකළ මෙම මෙහෙයුමෙන් පසුව සමස්ත පාසල් ගොඩනැගිල්ලම ජල පහරට හසුවී සම්පූර්ණයෙන්ම විනාශ වී ගොස් තිබේ.
