විශ්රාම වැටුප් ගැටලු විසඳීම සඳහා විශේෂ කමිටුවක් පත්කර ඇති බව රාජ්ය පරිපාලන හා අභ්යන්තර කටයුතු අමාත්යංශය පවසයි.
2011වසරෙන් පසු විශ්රාම ලැබූ රජයේ සේවකයන් සඳහා වැටුප් වැඩි කිරීම මගින් ඊට පෙර විශ්රාම ලැබූවන්ට අසාධාරණයක් සිදුව ඇති බවට විවිධ වාර්තා පළවූ බවත් ඒ අනුව දෙපාර්ශවයටම සාධාරණයක් ඉටුකිරීම සඳහා මේ කමිටුව මගින් ඉදිරියේදී පියවර ගන්නා බව රාජ්ය පරිපාලන හා අභ්යන්තර කටයුතු අමාත්යාංශය සඳහන් කළේය.
මීට පෙර ආණ්ඩුව විශ්රාම වැටුප් අර්බුදය විසඳීම වෙනුවෙන් කමිටුවක් පත්කළ අතර වත්මන් ආණ්ඩුව බලයට පැමිණීමෙන් පසුව එකී කමිටුවේ නිර්දේශ මත සිදුකර තිබු විශ්රාම වැටුම් දීමනා ගෙවීම් අත්හිටුවනු ලැබිණ. ඒ චක්රලේඛනයක් හරහාය. එහිදී සඳහන් කෙරුනේ අදාළ දීමනා ගෙවීම සඳහා පසුගිය ආණ්ඩුව මුදල් වෙන්කර නොමැති බවය.
