විදේශගත ශ්රී ලාංකික ශ්රමිකයන්ගේ අයිතිවාසිකම් සහ ආරක්ෂාව තහවුරු කිරීම වෙනුවෙන් නව විදේශ රැකියා පනතක් කඩිනමින් පාර්ලිමේන්තුවට ඉදිරිපත් කරන බව විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා පවසයි. අද (08) පාර්ලිමේන්තුවේදී විශේෂ ප්රකාශයක් කරමින් අමාත්යවරයා විදේශගත ශ්රමිකයන් වෙනුවෙන් ක්රියාත්මක කිරීමට සැලසුම් කර ඇති සහ දැනටමත් ලබා දී ඇති ප්රධාන සහන සහ තීරණ 7ක් ප්රකාශයට පත් කළේය. ඒ අනුව විදේශයන්හි සිට ඡන්දය ප්රකාශ කිරීමේ අයිතිය, දායකත්ව විශ්රාම වැටුප් ක්රමයක්, “Lanka Konnect” නමින් නව ජංගම යෙදවුමක් (App) මෙන්ම විදේශයන්හිදී මියයන ශ්රමිකයන්ගේ පවුල්වලට ලබාදෙන වන්දි මුදල රුපියල් ලක්ෂ 6 සිට ලක්ෂ 20 (මිලියන 2) දක්වා ඉහළ නැංවීම ඇතුළු තීරණ රැසක් ඊට ඇතුළත් වේ.
