ජාතික ජන බලවේගයේ සහ ජනතා විමුක්ති පෙරමුණේ උපදෙස් මත ක්රියාත්මක වන ‘පැලවත්තේ ඩෝබි බලකාය’ නමැති සමාජ මාධ්ය කණ්ඩායම් විසින් සිදුකරන මඩ ප්රහාර සහ අසත්ය ප්රචාරයන්ට එරෙහිව පොලිසිය නීතිය ක්රියාත්මක නොකරන බව නව ජනතා පෙරමුණේ නායක සුගීශ්වර බණ්ඩාර මහතා ප්රකාශ කරයි. පිටකොටුව මධ්යම බස් නැවතුම්පොළේ නළ ළිං (ටැප්) ගැලවූ බවට ශ්රී ලංකා පොදුජන පෙරමුණේ සහ සර්වජන බලය පක්ෂයේ සංවිධායකවරුන්ට එරෙහිව අසත්ය චෝදනා එල්ල කිරීම සම්බන්ධයෙන් පැමිණිලි කළද මෙතෙක් විමර්ශන ආරම්භ කර නොමැති බව ඔහු පෙන්වා දෙයි. පොලිසිය මේ වන විට දැඩි ලෙස දේශපාලනීකරණය වී ඇති බවත්, මහා පරිමාණ ගල් අඟුරු වංචාව සහ රේගු පරීක්ෂාවකින් තොරව කන්ටේනර් නිදහස් කිරීම වැනි කරුණු සම්බන්ධයෙන් වූ පැමිණිලි ද පොලිසිය මගහැර ඇති බවත් ඔහු වැඩිදුරටත් සඳහන් කළේය. මෙම පක්ෂග්රාහී පිළිවෙත පිළිබඳව විමසීම සඳහා නුදුරේදීම පොලිස් මූලස්ථානය වෙත ගොස් විරෝධතාවයේ නිරත වන බව සුගීශ්වර බණ්ඩාර මහතා අවධාරණය කළේය.
