සාමකාමී උද්ඝෝෂණයකට එල්ල වූ ප්රහාරයක් සම්බන්ධයෙන් නීතිය ක්රියාත්මක නොකිරීමට එරෙහිව නව ජනතා පෙරමුණ විසින් මානව හිමිකම් කොමිෂන් සභාව වෙත පැමිණිල්ලක් ඉදිරිපත් කර තිබේ. ආණ්ඩුක්රම ව්යවස්ථාවේ 12 (1) වගන්තිය ප්රකාරව නීතිය සැමට එක සමානව ක්රියාත්මක විය යුතු වුවද, එය උල්ලංඝණය වී ඇති බව පවසමින් තලංගම පොලිසියේ ස්ථානාධිපති ඇතුළු නිලධාරීන්ට එරෙහිව මෙම පැමිණිල්ල සිදු කර ඇත.
සාමකාමී උද්ඝෝෂණයකට ගොම, බිත්තර, ගල් සහ මුල්වලින් පහර දෙමින් අවි පෙන්වා තර්ජනය කළ පුද්ගලයන්ගේ ඡායාරූප සහ වාහන අංක සහිතව පැමිණිලි කර තිබියදීත් පොලිසිය මෙතෙක් නීතිය ක්රියාත්මක කර නොමැත.
අද වන විට පොලිසිය ක්රියාත්මක වන්නේ නිසි පනත් අනුව නොව පැලවත්තේ (ජනතා විමුක්ති පෙරමුණේ මූලස්ථානය) උපදෙස් මත බව නව ජනතා පෙරමුණේ නායක සුගීෂ්වර බණ්ඩාර මහතා චෝදනා කරයි.
මෙම මැර පිරිස පැලවත්තේ ටිල්වින් සිල්වා මහතා විසින් මෙහෙයවන ලද බවත්, ප්රහාරකයන් නිදැල්ලේ සිටීම හේතුවෙන් සුගීෂ්වර බණ්ඩාර මහතා ඇතුළු පිරිසගේ ජීවිතවලට දැඩි අවදානමක් පවතින බවත් සඳහන් වේ.
දුන් පොරොන්දු ඉටු කර ගත නොහැකිව ආතතියෙන් පෙළෙන රජය නැවත ඝාතන සංස්කෘතියක් ආරම්භ කරමින් සිටින බව ඔහු පෙන්වා දෙයි. ඩැන් ප්රියසාද්, හිටපු අමාත්ය නන්දන ගුණතිලක, වැලිගමුව සභාපති ලසන්ත සහ රංග රාජපක්ෂ යන අයගේ මරණ මගින් එය පැහැදිලි වන බව සුගීෂ්වර බණ්ඩාර මහතා වැඩිදුරටත් ප්රකාශ කර සිටියේය.
ප්රහාරකයින් වහාම අත්අඩංගුවට ගෙන නීතිය ක්රියාත්මක කරන ලෙස ඉල්ලමින් නව ජනතා පෙරමුණ මෙම පියවර ගෙන ඇත.
