චීනයේ ‘ටියැංගොන්’ (Tiangong) අභ්යවකාශ නැවතුම්පොළ වෙත ගගනගාමීන් තිදෙනෙකු රැගෙන ගිය ‘ෂෙංෂූ 23’ (Shenzhou 23) ගගන යානය සාර්ථකව තම ගමනාන්තය කරා ළඟා වී ඇත. මෙම ගගනගාමීන් තිදෙනා වන ෂැංග් ෂියන් (Zhang Xian), ෂූ යැංග්ෂු (Zhu Yangzhu) සහ ලායි කා යිංග් (Li Jiaying) යන අය වසරක කාලයක් අභ්යවකාශ නැවතුම්පොළේ රැඳී සිටිමින් විවිධ පර්යේෂණ කටයුතු සහ ඉදිකිරීම් කාර්යයන්වල නිරත වීමට නියමිතය.මෙම මෙහෙයුම සුවිශේෂී වන්නේ, චීන අභ්යවකාශ ඉතිහාසයේ හොංකොං වැසියෙකු අභ්යවකාශ ගතවූ පළමු අවස්ථාව මෙය වීම නිසාය. එම කණ්ඩායමේ සිටින ලායි කා යිංග් මහත්මිය මීට පෙර හොංකොං පොලිස් නිලධාරිනියක ලෙස සේවය කර පසුව ගගනගාමිනියක ලෙස පුහුණුව ලැබූ අයෙකි. සෙසු ගගනගාමීන් දෙදෙනා චීන මහජන විමුක්ති හමුදාව නියෝජනය කරති.මෙම ගගනගාමීන් තිදෙනා රැගත් ‘ලොංග් මාච් 2 එෆ් වයි 23’ (Long March-2F Y23) රොකට්ටුව ඊයේ (24) රාත්රී 11.08 ට චීනයේ ගැන්ෂු පළාතේ පිහිටි ජියුකාන් චන්ද්රිකා ගුවන්ගත කිරීමේ මධ්යස්ථානයෙන් අභ්යවකාශය බලා පිටත්ව ගියේය.
චීනය තමන්ටම ආවේණික වූ ‘ටියැංගොන්’ අභ්යවකාශ නැවතුම්පොළ ඉදිකර ගත්තේ දේශපාලනික හේතු සහ ජාත්යන්තර අභ්යවකාශ නැවතුම්පොළ සමඟ පවතින ගැටුම් හේතුවෙනි. 2030 වසර වන විට තම ගගනගාමීන් සඳ මතට ගොඩබැස්සවීමේ ඉලක්කය චීනය මේ වන විටත් සපුරා ගනිමින් සිටින අතර, මීට පෙර රොබෝ යානා යොදා ගනිමින් සඳෙහි ගවේෂණ කටයුතු කිහිපයක් ද ඔවුන් සාර්ථකව නිම කර ඇත.
